বিষ্ণুপুর দিষ্ট্রিক্টকি মনূঙচন্না লৈরিবা ট্রোংলাউবী অৱাং লৈকায়দা লৈবা ঈমূঙ অমদা কুকি মিলিটেন্টশিংনা বোম কাপশিন্দুনা পীক্লিবা অঙাং অনী হাৎখিবা অমসুং মখোয়গী অপোকপী মমাবু তমথীনা শোকহনখিবা থৌদোক, অমসুং চৎলিবা এপ্রিল থা অসীগী ১৮ দা ঊখ্রূল দিষ্ট্রিক্ট মনূঙচন্না লৈবা লীটান এরিয়া মনাক্কি টি এম কসোম ভিল্লেজদা তাঙ্খুল নাগা ফূরুপকি মীওই অনী, কুকি মিলিটেন্টশিংনা হাৎখিবা থৌদোকশিং অদূবু য়াম্না কন্না য়ানিংদবা ফোঙদোক্তুনা চৎলিবা এপ্রিল থা অসীগী ২৮ গী নুংথিল পূং ১ তাবদা ইম্ফাল ৱেষ্ট দিষ্ট্রিক্টকি ময়াং লাংজিং ফূম্লৌ কম্যুনিটি হোলদা মীয়াম্না ৱাকৎ মীফম অমা চত্থখ্রে।
রুরেল য়ুনাইটেদ ক্লব ওর্গানাইজেসন না শীন্দুনা চত্থখিবা ৱাকৎ মীফম অদুদা ট্রোংলাউবি অমসুং লীতানগী মীহাৎ য়ানীংদে, লৈঙাক্না কুকি -জো কাঙলূপকি মিলিটেন্টশিং তকখায়দুনা অকনবা চৈরাক পীয়ু। সূ দা লৈরিবা মিলিটেন্টশিং লাকশীল্লু। লৈখিদ্রবা মীচমশিং অদূগী মতাঙদা লৈঙাক্না জষ্টিস ফংহল্লু হায়বা ৱাফমশিং খোঙজঙলোয়শিংনা ফোঙদোকখি।
ৱাকৎ মীফম অদুদা অমুকোগী ওর্গানাইজেসন সেক্রেটরি লাইশ্রম ক্রিষ্ণচন্দ্র, কোহরগী চ্যেরমেন ফুনিন্দ্রো কোন্সম্নচিংবা মীওইশিংনা ৱা ঙাঙখি। ৱাকৎ মীফম অদুদা রুকো, অমুকো অমদি ময়াং লাংজিং মায়কৈগী মৈরা লূপকি থৌমীশিং শরুক য়াখি।
You may also like
-
কম্মনৱেল্থ গেম্সতা গোল্ড লৌরকখ্রবা মনিপুরগী ৱেথলিফ্টর মিরাবাই চনূদা লূপা লাখ ৩০ খূৎশীন্নখ্রে
-
হাইৱেশিংদা কফোই লৌবা থিংনবা মনিপুর পুলিস কমান্দো থাজনবা খন্নরি
-
উমা সিগনোগ্ৰিফিক খোমিদোক্কি অনৌবা মেছিন্নরিশিং মীয়ামদা ঊৎখ্রে
-
সোর্ট ফীল্ম “দি টোই ষ্টোরি” খল্লক্লে
-
মাউন্ট মনিপুরদা ম্যুজিয়ম অমা থম্বিনবা অন্দামান্দা লৈবা মনিপুরিশিংনা লৈঙাক্তা তকশীল্লক্লি