চৎলিবা এপ্রিল থা অসীগী তরেৎকি অহীঙ পূঙ ১.৩০ তারকপদা কুকি মিলিটেন্টনি শিংনবশিংনা বিষ্ণুপুর দিষ্ট্রিক্টকি মোইরাং পুলিস ষ্টেসনগী মনূঙচন্না লৈরিবা ট্রোংলাউবী খুঙ্গংগী য়ূম অমদা বোম কাপশিন্দুনা পীক্লিবা অঙাং অনী হাৎখিবা অমসুং মখোয়গী অপোকপী মমাবু তমথীনা শোকহনখিবা থৌদোক অদূ লাইবক থীবনি।করিসু খঙজদ্রিবা, ৱাখল তাদ্রিবা অঙাঙদা বোম কাপশীন্দূনা হাৎপা হায়বসি খ্বাইদগী তমথিবা অমসুং খ্বাইদগী ফত্তবা, হিংচা-য়াইতম্বগী শাজৎ চৎপশিং অদূ আইনগী মতূঙ ইন্না মতীকচাবা দন্দি পীফম থোকই। থৌদোক অদুনা লমথম অসীগী মীয়ামগী পূক্নিং -ৱাখল কা-হেন্না নুঙাইহন্দ্রে হায়না মনিপুরগী দেপ্যুটি চিফ মিনিষ্টর লোসি দিখোনা ফোঙদোকখ্রে। খূৎলায় পায়জদবা মীচম – মীয়াম্না নুঙাইনা তূমদুনা লৈরিবা অহীঙগী মতমদা বোম, নোংমৈ কাপশীন্দুনা মীচম হাৎপা ঙম্লিবা মীওইশিং অদূদা কাঙলূপ, ফূরূপ অমত্তগী মীয়াম্না মিনুংশি ঊৎলুবগী ৱাহন্থোক লৈতে।ইন্দিয়াগী চৎনরিবা আইনগী মখাদা খ্বাইদগী মতীক চায় হায়না খনবা অকনবা দন্দি অমা পীদবা য়ারোই হায়বা ৱাফম দিপ্যুটি চিফ মিনিষ্টরনা ফোঙদোকখি।
You may also like
-
ট্রোংলাউবি,জিরিবামদা কুকি মিলিটেন্টশিংনা অঙাং হাৎখিবগী মায়োক্তা অঙাঙশিংনা রেল্লি চৎখ্রে
-
চয়োল অনীগী মনূংদা পুলিস ষ্টেসন খূদীঙমক্তা সিসিটিভি কেমেরাশিং ইন্সটোল তৌবা লোইরগনি: সেন্তর
-
কোকোমিনা লুচিংবা মীয়াম্না চিফ মিনিষ্টর বাংলোদা থোমজীল্লকপদা এস এফকা মূক্নখ্রে
-
সি এম্না চ্যের লৌদুনা য়ুনিফাইদ কম্মান্দগী মীফম পাঙথোকখ্রে, য়ুকেএনএ গী কাদর ৩ ফাগৎখ্রে
-
বাংলাদেশতা পাঙথোকপা লাই হরাওবা থৌরমদা মনিপুরগী টিম অমা শরুক য়ারি