চৎলিবা এপ্রিল ৮ দগী হৌরগা থা অসীগী ১০ ফাওবা, নুমিৎ হুম্নি চূপ্না বাংলাদেশকি মনিপুরি কলচরেল কমপ্লেক্স, তেতাইগ্বান, আদম্পুর বজারদা পাঙথোকপা ঈমা মকোং লৈমা হরাওবগী থৌরমদা পেট্রিওটিক্স রাইটর ফোরম ( পি এ দব্লিয়ু এফ), মনিপুরগী থৌমীশিংসু শরুক য়ারি।
ফোরম অসীগী সেক্রেটরি রাকেশ নাওরেমনা লুচিংবা টিম অসীদা মনিপুরগী শক্নায়রবী ফোল্ক সিঙ্গর বিনিতা লাইশ্রমসু য়াওরি। টিম অসীনা ইম্ফাল থাদোকখ্রবা মতূঙ ত্রিপুরাদা থুংখিবদা পি এ দব্লিয়ু এফ ত্রিপুরা ব্রাঞ্চকি প্রসিদেন্ট গুরুময়ূম বিপ্লব শর্মনা লুচিংবা থৌমীশিংনা হরাও তরাম্না ওকখি।পি এ দব্লিয়ু এফ মণিপুরগী থৌমীশিং অমদি পূকচেল চাউরবা, মনিপুরি কলচরবু য়োকখৎপা পামজবা মীওইশিংনা পীবিরকখিবা শেলগী মতেংশিং অদূ বাংলাদেশকী লাই হরাওবা কম্মিটিদা খূৎশিন্নরমগনি হায়না ফোরম অসীগী সেক্রেটরি রাকেশ নাওরেমনা ফোঙদোরক্লি।
হন্দক্কি লাই হরাওবা থৌরম অসী মনিপুরি কলচরেল কমপ্লেক্স, বংলাদেশ তা, য়ুনেস্কোগী তেঙবাংগা লোয়ননা বংলাদেশ নেস্নেল ম্যুজিয়ম অমদি বংলাদেশ পোইরৈ অপোকপা মরূপ,দার্মিও সন্সক্রিট সংঘগা খূৎশম্নদুনা পাঙথোকপনি হায়রি।