ঙরাং এপ্রিল ৭কি অয়ূক অঙনবা মতমদা ইম্ফাল ইষ্ট দিষ্ট্রিক্টকি কৈরাউ কেন্দ্রগী মনূঙচন্না লৈরিবা কৈরাউ বিত্র অৱাং লৈকায়দা লৈবা নিংথৌজম রোমেস এলাইজ অবোম কৌবা মীওই অমগী য়ূমদা শক্তি লৈরবা বোম অমা,য়ূমগী শঙ্গোয়দা খামদুনা থম্বা গারিদা থমজিন্দুনা য়ূম অদূগী মীওইশিং অমদি লৈকায়গী মীয়ামদা অকী-তুজুংবা পোকহনখ্রে।থৌদোক অদূবু য়াম্না কন্না য়ানিংদবা ফোঙদোক্তুনা কৈরাউ বিত্র অৱাং লৈকায়গী মৈরা পায়বী ঈমাশিংনা লুচিংদুনা মীয়ামগী ওইবা ৱাকৎ-মীফম অমা পাঙথোকখ্রে।
থৌদোক অদূগী মতাঙদা, ৱাকৎ মীফম অদুদা শরুক য়াখিবা কৈরাউ বিত্র অৱাং লৈকায় মৈরা পায়বী লূপকি মেম্বর নিংথৌজম সাবিত্রিনা পাউমীশিংদা ফোঙদোরকখিবা মতূঙ ইন্না, নিংথৌজম রোমেস এলাইজ অবোম হায়রিবা মীওই অসী ইচম চম্বা লৌমী অমা ওইনা ইরীলবুং বজারদা ঙা য়োন্দুনা হিংজবা মীশক অমনি।লৈকায়গী মীয়াম্নসু য়াম্না নুংশিজবা, চম্না ঙা য়োন্দুনা ইমূঙ-মনূঙ হিংবা ঙম্নবা হোৎনজরিবা মীওই অমনি।মহাক্কা কনাগুম্বা মীওইশিংগা লন্নাই ওইনা নুঙাইনদবা লৈরম্বা তারবসু ঈংনা-তপ্না ফম্মিন্নরগা ৱাখল তামিন্নবা অদূ মমা ওইবিশিংনা পামজৈ হায়খি।
ঐখোয় মশেল মরক্তা অসীগুম্বা কা হেনবা থৌওং চত্থদুনা মীগী পুন্সিদা তেমশীংনবা অসী মতুঙদা অমূক হন্না তৌবিগনু হায়বা ৱাফম সাবিত্রিনা ফোঙদোকখি।মীরক্তা বোম থমজিন্দুনা মীচমশিংদা অকী-অখং থোকহনবা য়ানিংদে, ঈ মশেল মরক্তা য়েংথীনবগী থৌওং য়াবা ঙম্লোই হায়বনচিংবা প্লেকার্দশিং ৱাকৎ মীফম অদুদা মীয়াম্না শীজীন্নখি।
You may also like
-
কোকোমিনা লুচিংবা মীয়াম্না চিফ মিনিষ্টর বাংলোদা থোমজীল্লকপদা এস এফকা মূক্নখ্রে
-
সি এম্না চ্যের লৌদুনা য়ুনিফাইদ কম্মান্দগী মীফম পাঙথোকখ্রে, য়ুকেএনএ গী কাদর ৩ ফাগৎখ্রে
-
বাংলাদেশতা পাঙথোকপা লাই হরাওবা থৌরমদা মনিপুরগী টিম অমা শরুক য়ারি
-
মৈতৈ-পাঙলগী সি এস ওশিংনা মিনুথোং হত্তাগী লম্বী থিংদুনা ট্রোংলাউবী থৌদোকপু কন্না য়ানিংদবা ঊৎখ্রে
-
জে এ সি শেমখ্রে,ষ্টেট ফোর্স ওইনা থম্ননবা দিমান্দ তৌখ্রে