জৱাহরলাল নেহেরু মণিপুর দান্স একাদেমী (জে এন এম দি এ) লিংখৎখিবগী চহী ৭২ শুরকপগী মপোক কুম্মোন থৌরম ঙরাং একাদেমি অসীগী ওদিটোরিয়ামদা চীঙ-লেম্না পাঙথোকখ্রে। থৌরম অদুদা অথোয়বা মীথূঙলেন ওইনা শরূক য়াখিবা মনিপুর লৈঙাক্কি আর্ট এন্দ কলচর মিনিষ্টর খূরায়জম লোকেন্না হায়, এম এল এশিং,মিনিষ্টরশিং অমসুং অতৈ রাজনিটি তৌরিবশিংনা মশাগী মরৈবাক-মরমদম অদূ মালেমগী মীয়ামদা মশক খঙহনবা ঙমদে, শক্তাকপা ঙমদে অদুবু শান্নরোয়শিং অমদি আর্ট এন্দ কলচরগী লমদা থবক তৌজরিবা গুরুশিং, খূৎহৈবশিং অমসুং আর্টিষ্টশিংনদি ঈরায় লায়না মশাগী মরমদম অদূ মালেমগী লৈবাকশিং অমদি মপানলমগী মীয়ামদা মশক তাকপা ঙম্লি।
ঐখোয়গী শান্নরোয়শিং অমদি আর্টিষ্টশিংনা ঈরমদম অসীবু মালেমদা মশক তাকপখক্তা নত্তনা লমদম অসীগী মিংচৎ কয়ামরুম পুরক্লিবনি হায়খি। ফীসরিজ দিপার্টমেন্টগী দিরেক্তর টি ফুলেন, মনিপুর ষ্টেট কালা একাদেমি ইম্ফালগী সেক্রেটরি সুনন্দা থোকচোম অমদি জে এন এম দি এ গী ভাইস চ্যেরমেন এল জয়চন্দ্রনচিংবা মীওইশিং কুম্মোন থৌরম অদুদা শরুক য়াখি।লমদম অসীগী তোমথিন ওইনা লৈজরিবা নাৎ অমসুং কলচরগী শক্তম অমদি মসীগী পরীঙ কায়হন্দনা থম্নবা হোৎনবদা ঐখোয় পূম্নমক্কি অচৌবা থৌদাং লৈ।
মসীগী শক্তম কায়হন্দনবা হোৎবগী মথক্তা মালেম পূম্বদা শন্দোক্নবসু ঐখোয়না হোৎনগদবনি হায়বা ৱাফম মিনিষ্টর অসীনা মীয়ামদা ফোঙদোকখি। লৈমিন্নরিবা কাঙলূপ, ফূরূপ খূদীঙমক্নসু মাগী মাগী কলচর য়োকখৎনবা হোৎনবগী তঙায়ফদবা লৈরি হায়খি।
You may also like
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে
-
ৱারী লীবা ফেষ্টিভেল লোইশিনখ্রে