কেম্পেইন ফোর জষ্ট এন্দ ফ্যের দিলিমিটেসন (জেএফদি) না মনিপুরদা সেন্সস পাঙথোক্ট্রিঙৈ মমাঙদা মীতোপ হান্না মশক খঙদোক্তুনা মনিপুরদগী হলহনখিগদবনি হায়বা দিমান্দ তৌরদুনা, লাক্লিবা এপ্রিল অমদগী ইন্দিয়াগী ষ্টেট অমদি য়ুনিয়ন তেরিতোরী পূম্নমক্তা সেন্সসকি থবক পায়খৎকদৌরিবা অসীদা মনিপুরগী ওইনদি মীতোপ খন্দোক্ট্রিফাওবা সেন্সস পাঙথোকপা য়াখিরোই হায়দুনা চঙশীল্লিবা অকনবা খোঙজঙ অসীদা অরম্বাই তেঙ্গোলগী হৌজিক লৈরিবা থৌমি লাক্ষ ১.৯২ অসীনা মপূঙ ফানা শৌগৎলগনি হায়না ফোঙদোকখ্রে।
ঙরাং ইম্ফাল ৱেষ্ট দিস্ট্রিক্টকি মনূঙ চন্না ক্বাক্কৈথেল থোকচোম লৈকায় কম্যুনিটি হোলদা জে এফ দিনা শীন্দুনা,সেন্সস পাঙথোকপগী মতাঙদা সি এস ওশিংগী ওইবা অপূনবা মীফম অমা পাঙথোকখিবা থৌরমদা ৱা ঙাঙলদুনা ৱাফম অসী অরম্বাই তেঙ্গোল গ্ৰূপ হেদক্বার্টরগী কম্মান্দর সি এম পি ৱাইখোম মুনিন্দ্রো মঙাঙনা ফোঙদোকখিবনি।
মনিপুরগী য়েলহৌমীশিং কন্ননবা অরম্বাই তেঙ্গোলনা অঙম্বা থাক্তা থৌদাং লৌদুনা লাক্লি। মতূঙ তারকপা মতমদসু থৌদাং অসীমক লৌখিগনি।মনিপুরবু মচেৎ তানা থুগাইনবা হোৎনরকপা শক্তি খূদীঙমক্কি মায়োক্তা লমদম অসীগী য়েলহৌমীশিংনা কাঙলূপ, ফূরূপকি ৱাখল্লোন তুংওইনরগা পূন্না চঙশীনমিন্নরসি হায়না মুনিন্দ্রোনা মখা তানা ফোঙদোকখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি