আসামগী ৱেষ্ট কার্বি আংলোং দিষ্ট্রিক্ট কি মনূঙ চন্না লৈবা জিরিকিন্দেংদা পাঙথোকখিবা কার্বি ষ্টূদেন্টস এসোসিয়েসনগী ৫৩ শুবা এন্নুয়েল কনফরেন্স তা ওল মনিপুর ষ্টূদেন্টস য়ুনিয়ন (এমসু) হেদ ক্বার্টরগী প্রসিদেন্ট ব্রুস পেবম্না লুচিংবা মহৈরোয় টিম অমা শরূক য়ারুরে হায়রি।
মহৈরোয় লূপ অসীগী হেদ ক্বার্টরগী পব্লিসিটি এন্দ ইনফোর্মেসন সেক্রেটরি য়ূম্নাম ক্লিন্টন মঙাঙনা ফোঙদোরকপা মতূঙ ইন্না, কার্বি ষ্টূদেন্টস এসোসিয়েসনগী ৫৩ শুবা চহীগী কনফরেন্স অদূগী ষ্টূদেন্টস ওপন সেসন্দা এমসূ হেদ ক্বার্টরগী প্রসিদেন্ট ব্রূস পেবমসু গেষ্ট ওব ওনর ওইনা শরুক য়াখি। অৱাং নোংপোক লমদমদা লৈরিবা ষ্টেটশিংদগী লাকপা মহৈরোয় লুচিংবশিংসু কনফরেন্স অদূদা শরূক য়াখি হায়রি।
এমসূগী ওর্গানাইজেসন সেক্রেটরি থীংবাইজম সনাচান্দ, ঐচ আর দি সেক্রেটরি ময়াংলম্বম কুমার অমসুং মহৈরোয় লূপ অসীগী হান্নগী এসিষ্টেন্ট ফাইনান্স সেক্রেটরি এলেন নাউরেমসু শরুক য়ারুরে হায়রক্লি। কনফরেন্স অদূগী থিম্না, “ইম্মেদিয়েৎ ইমপ্লিমেন্টেসন ওফ আর্টিকল ২৪৪(এ)ওফ দি ইন্দিয়ন কন্সটিট্যুসন এন্দ ওটোনোমি এন্ড লেন্দ রাইট্স: রি-থিঙ্কিং লেন্দ পোলিসি ইন সিক্স সেদ্যুল্ড এরিয়া”, হায়বসিনি।