থাবূম অমা চূপ্না মুসলমানশিংনা চরা হেন্দুনা লাইনীং-লাইশোনগী থৌরমশিং পাঙথোকখিবা রামজানগী থৌরম লোইরদুনা ইদ-উল-ফিট্টরগী কূমহৈনা লাকপসীদা মনিপুরগী গভর্নর অজয় কুমার ভাল্লা, চিফ মিনিষ্টর য়ূম্নাম খেমচান্দ সিংহ, ষ্টেট লেজিসলেটিব এসেমব্লিগী স্পীকর থোকচোম শৈত্যব্রত্তা, এম এল এশিং অমদি সিভিল সোসাইটিশিং য়াওনা মহৈরোয় লূপ কয়ানা মনিপুরগী মীয়ামদা, মরূ ওইনা লমদমসিদা লৈরিবা ইস্লাম লাইনিং চৎলিবা মীতৈ-পাঙলশিংদা য়াইফ-পাউজেল পীরক্লি।
কূমহৈ অসীনা লাকপদা লমদমসিদা মহৌশাগী ঈং-তপ্পা, কাঙলূপশিংগী মরক্তা অমত্তা ওইবগী অমদি নুংশি-চান্ননা লৈমিন্নবা মতৌ অদু অমুক হঞ্জিল্লক্তুনা চাওখৎপা, শান্তি লৈবা ঈরমদম অমা পুরকপা ঙম্বা ওইরসনু হায়না য়াইফ-পাউজেলশিং অদূদা ফোঙদোক্নরক্লি। ঈশানা ঈশাবু কল্লক-মিহৌবা, অপাম্বা, লমহেনবা পূক্নীংগী ইহুলশিং লাকশীঞ্জনবা হোৎনবনা মরূ ওইবা শক্তম ওইরিবা ইদ-উল-ফিট্টর থৌরম অসীনা ঐখোয় কাঙলূপ খূদীঙমক্কি পূক্নীং অমদি থম্মোয়শিংদা অমনা অমবু ঙাকপীবা অমসুং চানবিবা ঙম্বগী তাঙলবা মীওইবগী গুন অদূ তাইবংবু শেম্বীরিবা মপূ মহাক্না পীনবিবা ওইরসনু হায়রি।
ময়াঙ ইম্ফাল কেন্দ্রগী এম এ কোংখাম রোবিন্দ্রো, কৈরাউ কেন্দ্রগী এম এল এ লৌরেম্বম রামেস্বর, কোলিসন এগেন্স দ্রগ এন্দ আলকোহোল (কাদা),ইথনো হেরিটেজ কাউন্সিল (হেরিকোন), এম পি সি সি অমদি ওল মনিপুর মুস্লিম ষ্টূদেন্স ওর্গানাইজেসন (অম্মসো) নচিংবা কয়ানা কুমহৈ অসিনা লাকপদা য়াইফ-পাউজেল পীনরক্লি।
You may also like
-
মীচমগী য়ূমদা বোম লংশিনবা য়ানীংদে হায়বগী ৱাকৎ মীফম চত্থখ্রে
-
আই দি পিশিং মশাগী খুঙ্গংশিংদা হঞ্জিলহন্নবগী মতাঙদা লৈঙাক্কি মীফম পাঙথোকখ্রে
-
চিফ মিনিষ্টর য়ূম্নাম খেমচান্দ ঙরাং গুৱাহাটি দা থুংখ্রে, দিপ্যুটি সি এম অনীসু লোয়নরি
-
ৱাটর সপ্লাই স্কিম অথূবদা লোইশিন্দুনা মীয়ামদা থক্নবা ঈশীং ফংহন্দ্রবদি অকনবা খোঙজঙ চঙশীল্লগনি: এএয়ু
-
থবক কন্না শুদুনা, ঐখোয় মশেল মতেঙ পাংনদুনা পূন্না হিংমিন্নসি : তোম্বা