কেম্পেইন ফোর জষ্ট এন্দ ফ্যের দিলিমিটেসন গী মীৎয়েং মখাদা মীয়াম্না, হৌজিক মনিপুরদা মায়োক্নরিবা মীতোপ্না লাকশীল্লকপগী চৈথেং অসীদগী কোক্নবা মীতোপশিং খন্দোক্লগা মশাগী মরমদমদা হান্না হলহনখিগদবনি, এন আর সি মপূঙ ফানা থবক্তা ওন্থোকউ, সেন্সস কোন্না চত্থগদবনি, সেন্সস মতম খরা য়ৈথোকউ হায়বা অকনবা দিমান্দগা লোয়ননা চঙশীল্লক্লিবা খোঙজঙগী মখা তারকপা খোঙথাঙ ওইনা ঙরাংসু মশীং য়াম্লবা জে এফ দিগী থৌমীশিং অমদি মীয়াম্না ইম্ফাল ইষ্ট দিষ্ট্রিক্টকি পোরোম্পাত্তা লৈরিবা সেন্সস ওফিসতা থোমজীন্ননবা হোৎনরকখ্রে।
য়াম্লবা মীয়াম অদূ পোরোম্পাৎ ক্রোসিংদা মশীং য়াম্লবা পুলিস পার্সনেলশিং চঙশীল্লক্তুনা থিংখি।মমৈথঙদা মীওই খরা খনগত্তুনা সেন্সস ওফিসতা দিরেক্তর উননবা চঙখি অদূবু দিরেক্তর লৈরমদবদগী হন্দোরকখি।লমদম অসীগী গভর্নর, চিফ মিনিষ্টর, মিনিষ্টরশিং, এম এল এশিংগী য়ূমদা চত্তুনা সেন্সস য়ৈথোকহন্ননবা অমদি মসীগী মমাঙদা মীতোপ হান্না খন্দোক্লগা মরমদমশিংদা হলহনখো হায়বা ৱাফম অসীদা মখোয়গী ওইবা অরেপ্পা ফিরেপশিং খঙহল্লু হায়না মীয়াম্না খোঙজঙ চঙশীন্দুনা লাক্লবসু ঙসী ফাওবা মিনিষ্টর অমদি এম এল এশিং অসীগী তশেংবা ফিরেপ অমত্তা লাউথোরক্তবদগী খোয়শাওনরবা মীয়াম্না এসেমব্লী হাওসতা থোমজীল্লকপসু লৈখ্রবনি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি