থা অসীগী ১১ দা চীঙদা ঈশীংগী পাইপ শেম্বা চৎখিবা, ঊখ্রূল দিষ্ট্রিক্টকি থৱাই কুকি খুলগী মীওই অনী শিনা ফংখিবা থৌদোক অদূগী মরমদা নেস্নেল ইনভেষ্টিগেসন এজেন্সি (এন আই এ) না থিগৎহন্ননবা মিনিষ্ট্রি ওফ হোম এফ্যের্স তা তকশীনখ্রে।
মনিপুর লৈঙাক্কি জোইন্ট সেক্রেটরি হোম দা. ময়েংবম ভেতোনা মিনিষ্ট্রি অসীগী কাউন্টর টেরোরিজম এন্দ কাউন্টর রেদিকেলাইজেসন (সি টি সি আর) গী জোইন্ট সেক্রেটরি দা ঙরাং অইবা চেরোল অমা থাদুনা কেস অদূ এন আই এদা শিন্নবিনবা লৌখৎফম থোকপা থবক-থৌরমশিং লৌখৎপিননবা খঙহনখিবনি। দা.ভেতোগী অইবা চেরোল অদুদা পল্লিবা মরূওইবা ৱাফমদি, মীওই অনী শিনা ফংখিবা থৌদোক অদূগী মতাঙদা লীতান পুলিস ষ্টেসন্না কেস অমা রেজিষ্টর তৌবা লৈখ্রে।
বি এন এসকি তোঙান তোঙানবা প্রোবিজনশিংগী মখাদা এফ আই আর লৌখৎলে অদূম ওইনমক হৌজিক মনিপুরগী ওইরিবা লো এন্দ ওর্দরগী ফীভমশিং অসীদা পুলিস অথোরিটিনা মায়োক্নরিবা খুদোংচাদবশিং অসী য়েংলগা থৌদোক অসী এন আই এদা থিগৎহন্ননবা মনিপুর লৈঙাক্না ৱারেপ লৌরে। মসীগী মতাঙদা মখাতাবা এক্সন লৌখৎপিদুনা কেস অসী এন আই এদা শিন্নবিয়ু হায়বা ৱাফম ফোঙদোকখিবনি।
You may also like
-
প্রসিদেন্ট দ্রৌপদি মুর্মুনা চৈরাওবগী য়াইফা-পাউজেল পীরক্লি
-
মীয়াম্না সেন্সস ওফিসতা থোমজীন্নবা হোৎনখ্রে, পুলিসনা থিংদুনা চঙহনখিদ্রে
-
দেবেন্না অৱাবা তারবশিংদা মতেঙ পাংখ্রে
-
শিরবা পেসেন্ট দা ওক্সিজেন থাজীন্দুনা আই সি য়ুদা থম্লগা শেল তানখিবা লৈতে: দা.পালিন
-
এম এল এ না মীয়ামদা ঈশীং ঈচাওগী খূদোল তম্বিরে: গ্ৰূপ