সেন্সসকি মায়োক্তা মীয়ামগী ঈরাং পোকখায়বা হৌরক্লে,মীওই তরুক কি মথক্তা শোক্লে

মনিপুরদা মতম কয়াগী মমাঙদগী আইন কায়না অমদি লোন্না চঙশীল্লকখিবা ইল্লিগেল ইম্মিগ্ৰেন্টশিংনা মশীঙ য়ামখৎলকপদগী লমদমশিগী য়েলহৌমীশিংদা মখল কয়াগী চৈথেঙ পীরকপগী মথক্তা মখোয়গী তোঙানবা হোমলেন্দ পীদবা য়ারোই হা‌য়না হৌখিবা চহী অহূম্লোমগী মতমসিদা য়েলহৌমী ফূরূপশিংদা, মরূওইনা মৈতৈ ফূরূপকি মথক্তা লান্দারকপদগী অচৌবা চৈথেঙ মায়োক্নরিঙৈ চৈরকশিদা মনিপুরদগী মীতোপ খন্দোক্ট্রিঙৈ চৈরকসিদা সেন্সসকি প্রোসেস চত্থবগী থৌওং অমত্তা য়াখিরোই হায়বা মনিপুর মীয়ামগী ঈহৌ অদূ ঙরাং খঙহৌদনা কন্সীনখ্রে।
ইম্ফাল সহর ময়োলমক্তদা লৈরিবা খ্বাইরম্বন্দ কৈথেল ফম্বী ঈমা-ঈবেলশিং য়াওনা জষ্ট এন্দ ফ্যের দেলিমিটেসন (জে এফ দি) না চঙশীনখিবা অকনবা প্রোটেষ্ট অদুদা সেক্যুরিটি ফোর্সকি এক্সন্দা মীওই তরূক হেন্না শোক্তুনা ইম্ফালগী রিম্স অমদি রাজ মেদিসিটি হোস্পিটালশিংদা পুখত্তুনা লায়কন্নখ্রে। ঈরাং অদূগী মাঙওইননা অয়ূক অঙনবদগী হৌনা খ্বাইরম্বন্দ কৈথেল মনূঙ অমসুং মসীগী অকোয়বদা মশীঙ য়াম্লবা সেন্ট্রেল অমদি ষ্টেট ফোর্স পার্সনেলশিংনা অকনবা চেকশীন-থৌরাং লৌখত্তুনা লৈখি।
ইম্ফাল ৱেষ্ট দিষ্ট্রিক্ট পুলিসকি এস পি খেত্রিময়ুম শিবকান্ত অমসুং মরী লৈনবা দিষ্ট্রিক্ট মেজিষ্ট্রেট য়াওনা চেকশীন থৌরাং লৌখত্তুনা লৈরিঙৈ অয়ূক পূঙ ১১ তারকপদা কৈথেল ঈমাশিং খঙহৌদনা খোল্লাউ কয়াগা লোয়ননা খোঙজঙ চঙশীল্লকপদা সেক্যুরিটি ফোর্স কা অকনবা মওংদা মূক্নরকপগী থৌদোক্তা মীওইশিং অদূ শোকখিবনি।
মখোয়শিংদু ট্যার গ্যাস সেল অমসুং ষ্টন গ্ৰেনেদ না পানবদগী শোকখিবা ঙাক্তনি।মীয়ামগী খোঙজঙ অদূ লৈঙাক্না, এন আর সি থবক্তা ওন্থোক্তুনা মীতোপশিং খন্দোক্ট্রিফাওবা সেন্সস কি প্রোসেস তৌখিরোই হায়বগী চপচাবা থাজবা পীদ্রিফাওবা হনবা নাইদনা চত্থখিগনি হায়রক্লি।