হৌখিবা চহি ২০২৫ খক্তদা লৈবাক অসীগী মোবাইল ফোন শীজীন্নরিবা য়ুজরশিংদা স্পাম কোল ক্রোর ৪,০০০ গী মথক্তা লাকখিবগা লোয়ননা ইন্দিয়াগী কম্যুনিকেসনগী হীরমদা ফ্রাউদ, দিসরপ্সন অমসুং দিজিটেলগা মরী লৈনবা খুদোংথীনিঙায় ওইবা থৌওংশিং নোংমা-নোংমগী হেঙ্গৎলক্লি হায়বসি য়াম্না ময়েক শেংলবা খূদম অমা ওইরক্লি হায়রি।
ট্রূকোল্লরনা খ্বাইদগী ঈনৌ নৌনা হন্দক পুথোকখিবা থিজিনবগী রিপোর্ট মতূঙ ইন্না,অসীগুম্বা অরানবা, মীয়ামগী পুন্সিদা খুদোং থীনিঙায় ওইরবা, পামদবা মখলগী মোবাইল কোল ক্রোর ১,১৮৯ ঐখোয়গী মোবাইল য়ূজরশিংগী খূত্তা য়ৌশিন্দ্রিঙৈদা ব্লোক তৌহৌবা ঙমখ্রে হায়না খঙহল্লক্লি। থৌওং অসীনা ইন্দিয়াগী মীওই মিল্লিয়ন কয়ামরুম সাইবর ক্রাইমগা মরী লৈনবা অৱাফমদা তারমগদবদগী কলহৌখি।লেপ্তনা হেঙ্গৎলক্লিবা ইকোনোমিগী চৈফূ মরকশিদা কা হেন্না মতম মাঙলমগদবা অমসুং পূক্নিং ৱাখলদা অচৌবা নুঙাইতবা থোকহল্লমগদবা পূম্নমক অদূদগী কলহৌবা ঙমহৌখি হায়না রিপোর্ট অসীনা ফোঙদোরক্লি।
লৈবাক অসীদা হৌজিক এক্টিব মোবাইল কন্নেক্সন ক্রোর ১০০ গী মথক্তা লৈদুনা কম্মর্স, গভর্নান্স,পর্সনেল রিলেসনসিপ্তা অচৌবা শক্তি পীরিবা ট্রূকোল্লর না মসীগী ওইনা,” ২০২৫ ইন্দিয়া ইন্সাইট্স রিপোর্ট”হায়না মিংথোনবা রিপোর্ট অমা পুথোরকখিবগা লোয়ননা মতৌ করম্না স্পাম অমদি ফ্রাউদনা লৈবাক অসীগী কম্যুনিকেসন লেন্দস্কেপকি মওং -মতৌদা অহোংবা লাকহনবগে অদুগা টেক্নোলোজীনা নুমিৎ খুদিংগী মীওই ক্রোর কয়াদা মতেং পাংবগে হায়বদু দেটা-দ্রাইভন ভ্যূ অমা শীজীন্নরগা খঙহনবা ঙমখ্রে হায়না ফোঙদোরক্লি।
পামদবা মখলগী ফোন কোলশিং অসী ইন্দিয়াগী মোবাইল ফোন য়ূজরশিংদা চঙহন্দনবা, য়ৌশিলহন্দনবা হোৎনবা হায়বসি ট্রূকোল্লরগী মরূওইবা থৌদাং অমনি হায়না মসীগী সি ই ও রিসিট ঝূনঝূনৱালা না ফোঙদোরক্লি। রিপোর্ট অসীগী মতূঙ ইন্না হৌখিবা কুমশিং ২০২৫ খক্তদা ট্রূকোল্লর না ইন্দিয়াদা চঙলকখিবা স্পাম কোল ক্রোর ৪,১৬৮ মশক খঙদোকখি। মদূগী মনূঙদা ট্রূকোল্লর য়ূজরশিংনা পামদবা, খুদোংথীনিঙাই ওইবা কোল ১,১৮৯ ব্লোক তৌখি।নমথাক্কি কোল ক্রোর ৭৭০ সু দিটেক্ট তৌখি।মখোয় অয়াম্বনা বেঙ্ক, লৈঙাক্কি ওফিসিয়েল, পেমেন্ত প্লেটফোর্ম অমসুং মীয়াম্না শকখঙনরবা ব্রান্দশিংগী মীওই শাদুনা নমথাক তৌরম্বনি হায়খি।
