য়ং এসোসিয়েসন লৈশাংখোং (ৱাই এ এল), লৈশাংথেম খোং মনূঙনা শীন্দুনা শান্নবা অহূমশুবা লেট এল সোমানন্দা মেমোরিয়েল ষ্টেট লেভেল ক্রিকেট টুর্নামেন্ট,২০২৬ থা অসীগী মঙাদগী থৌবাল দিষ্ট্রিক্টকি মনূঙচনবা লৈশাংথেম খোং মনূঙ ময়ায় লৈকায়দা হৌদোকখ্রে।
ৱাই এ এলগী গ্ৰাউন্দা হৌদোকখিবা ষ্টেট লেভেল ক্রিকেট টুর্নামেন্ট অদুদা তোঙান তোঙানবা প্লেয়রশিংগী টিম ২০ না শরূক য়ারি। টুর্নামেন্ট অদূ হৌদোকপগী থৌরমদা অরম্বাই তেঙ্গোলগী লুচীঙপুরেল কোরৌঙানবা খূমন্না অথোয়বা মীথূঙলেন, ৱাই এ এলগী প্রসিদেন্ট ইরোম বিমোল সিংহনা থৌরম মপূ, শক্নায়রবা ফীল্ম এক্টর অমসুং শৈশকপা হামোম সদানন্দা, মনিপুর ক্রিকেট এসোসিয়েসনগী মেন্স ক্রিকেট কম্মিটিগী মেম্বর শমুকচম রোবার্টসন অমদি এদভোকেট অমসুং টেক্স কন্সল্টেন্ট কৈশাম প্রিয়োবর্টা সিংহনা ঈকায়খুম্নরবা মীথূংশিং ওইনা শরূক য়াখি।
মেচ হৌদোকপা নুমিত্তা কে সি সি খাঙবোক অমসুং পিটর নিংথৌখোং অনিনা লম্বা তৌনদুনা শান্নখি।মেচ অদূদা পিটর নিংথৌখোং না কে সি সি খাঙবোক পু ৱিকেট মরীদা থোইদুনা মায়থীবা পীখি। মেচকি অহানবা ইন্নিংস তা কে সি সিনা ওভর ১২.২ দা ৱিকেট ১০ তুদুনা রন ১৪৭ লৌবা ঙমখি।
মদূগী পাউখুমদা মেচকি অনীশুবা ইন্নিংস তা পিটর নিংথৌখোংনা ওভর ১৪.১ দা ৱিকেট ৬ তুদুনা রন ১৫১ লৌবা ঙমখি।মতৌ অসূম্না পিটর নিংথৌখোং না কে সি সি খাঙবোক পু মায়থীবা পীখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি