ঐখোয়গী অকোয়বদা লৈরিবা মহৌশাগী ঈশীঙ- নুংশিৎ, চীঙ-পাৎ,তুরেল,লৌবূক-লমহাং,উমং-ৱামঙ, ঈশম শম্না এনভাইরনমেন্ট অসীদা ৱেটলেন্দ শিংনা লৌরিবা থৌদাং অসি মীওইবা অমগী হকচাংদা কিদনি হায়রিবা ওর্গান অসীনা লৌরিবা মরূওইবা থৌদাং অসীগা চপ মান্নৈ হায়না মনিপুর লৈঙাক্কি ফোরেষ্ট, এনভাইরনমেন্ট এন্দ ক্লাইমেৎ চেঞ্জগী প্রিন্সিপাল সেক্রেটরি অরুনকুমার সিনহানা ফোঙদোকখ্রে।
ষ্টেট লৈঙাক্কি দিরেক্টরেট ওফ এনভাইরনমেন্ট এন্দ ক্লাইমেৎ চেঞ্জ অমদি মনিপুর ষ্টেট ৱেটলেন্দ অথোরিটি অনীনা খূৎশম্নদুনা ঙরাং ইম্ফাল ইষ্ট দিষ্ট্রিক্টকি মনূঙচন্না লৈরিবা য়ারল পাত্তা পাঙথোকখিবা ৱার্ল্ড ৱেটলেন্দ ডে-২০২৬ কি থৌরমদা অথোয়বা মীথূঙলেন ওইনা ৱা ঙাঙবদা ৱাফম অসী অরুনকুমারনা ফোঙদোকখিবনি। ৱেটলেন্দ কঞ্জার্বেসন এন্দ মেনেজমেন্ট রুল,২০১৭ কি মখাদা মনিপুর ষ্টেট ৱেটলেন্দ অথোরিটি অসী হৌখিবা কুমশিং ২০১৮ গী জনুৱারী ৩১ দা লিংখৎখিবনি।মহৌশাগী মতমগা য়েংনরুবদা মনিপুরদা ৱেটলেন্দ কঞ্জার্বেসন গী থবক-থৌরমশিং ঙসীদি য়াম্না খূমাঙ চাওশীন্না লৈরক্লি হায়না মহাক্না ফোঙদোকখি।
য়ারলপাৎ, উত্রাপাৎ অমসুং ৱাইথৌ ফূম্নোম্পাৎ হায়রিবা পাৎ অহূম অসী দ্রাফ্ট নোটিফিকেসন, মনিপুর ই-গেজেট্টা ফোঙখ্রবনি।য়াম্না অথূবা মতমগী মনূঙদা ওফিসিয়ল্লি নোটিফাইদ ওইরবা ৱেটলেন্দশিংনি হায়না লাউথোক্লগনি হায়বা ৱাফম অরুনকুমারনা থমখি।
You may also like
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর
-
ষ্টেট এসেমব্লিগী মীফম চত্থরগনি
-
পোৎ-চৈ পুরকপা ট্রক ৬৪৪ ইম্ফালদা চঙলকখ্রে
-
খ্বাইরম্বন্দ কৈথেলদা ঈমাশিংনা সেন্সসকি মায়োক্তা অকনবা খোঙজং চঙশীনখ্রে
-
মাউন্ট মনিপুরদা অথৌবশিংগী নীংশিং থৌরম পাঙথোকখ্রে, অতৈ মফমশিংদসু পাকসন্না পাঙথোক্নখ্রে