চৎলিবা জনুৱারী থা অসীগী ২১ গী নুমিদাংৱাইরম পূং ৬.৩০ রোম তারকপা মতমদা চুরাচান্দপুর দিষ্ট্রিক্টকি মনূঙচন্না তুইবোং টাউনগী জেল কমপ্লেক্সতা লৈবা ক্বার্টর অমদগী কুকি -জো মিলিটেন্টশিংনা ফাদুনা পুখ্রবা মতূঙদা হেংলেপ পুলিস ষ্টেসন গী মনূঙ চন্না লৈবা টি নৎজাং এরিয়াদা তমথীনা ওৎ-নৈরবা মতূঙদা মীহাৎ থীনা হাৎতোকপিরম্লবা ময়াংলম্বম রিষিকান্ত গী মীহাৎ অদূ অকনবা মওংদা কন্দেম তৌই হায়না ফেদরেসন ওফ সিভিল সোসাইটিজ ওর্গানাইজেসন (ফোক্স) না অকনবা মওংদা য়ানিংদবা ফোঙদোরক্লি।
মীহাৎ অদূগী কেস নেস্নেল ইনভেষ্টিগেসন এজেন্সি (এন আই এ)দা শিন্নদুনা থিগৎহনগদবনি।মসীগা লোয়ননা লৈখিদ্রবগী ঈমূং মনুং অমদি মীয়ামদা তমথিরবা মীহাৎ অসীগী জষ্টিস ফংহল্লু লোয়ননা মরাল লৈবা খূদীঙমক আইনগী মতূঙ ইন্না খ্বাইদগী অকনবা চৈরাক ফংহল্লু হায়না ফোক্স না ফোঙদোরকখিবনি।
ওর্গানাইজেসন অসীনা থাদোরকপা চেরোল অমদা হায়রিবদি, মনিপুরদা হৌজিক মায়োক্নরগা লৈরিবা চহী অহুম ফারক্কদৌরবা হীঙশাগী ঈরাং অসি সিভিল সোসাইটি ওরগানাইজেসন শিং অমদি লৈঙাক্না কন্না হোৎনবদগী তপ্না তপ্না ফীভম ফগৎলকপা মীয়াম্না উবা ফংলি।
অসীগুম্বা তাঞ্জাসিদা নৌনা কাইহৌরকপা মওংদা মরক মরক্তা অসীগুম্বা পামদবা মীহাৎ কয়া চত্থরক্লিবা অসী মনিপুরদা ঈরাং লেপ্তনা থোকহল্লগা মখোয়গী তোঙানবা অনীঙবা অপাম্বা খরা ফংননবা হোৎনরিবা এলিট গ্ৰূপ অমা লৈরি হায়বদা লাল্লরোই হায়রি।
মনিপুরবু কম্যুনেল টর্মোইল অমদা থম্লগা মখোয়গী দিমান্দ খরা ফংদবা য়াদে হায়বগী মওংনি হায়বা ৱাফমশিং ফোক্সকি চেরোল অমদা ফোঙদোরক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা