মনিপুরনা য়ূম্বূ ওইদুনা পাঙথোকপা ৬৯ শুবা নেস্নেল স্কুল গেমস,২০২৬ তা শরূক য়াবা লাকখিবা রাজষ্ঠানগী শান্নরোয় অমদি মেনেজমেন্ট টিম অমগী গারি খামদুনা, ফাজীন্দুনা থম্লবা মতূঙদা অয়াওবা শেনফম পূম্নমক কুকি -জো মিলিটেন্টশিংনা মুন্দুনা লৌখিবগী থৌদোক অদূ খ্বাইদগী লৈবাক মচা তাদবা থৌওং অমনি। থৌদোক অদূ লৈবাক অসীগী অমসুং মালেমগী শান্নরোয়শিংদা ঈকায়বা পীবনি হায়না রাজস্থানগী হান্নগী চিফ মিনিষ্টরনা পেন্দবা ফোঙদোকখ্রে।
মনিপুরগী কাংপোকপি দিষ্ট্রিক্টকী মনুং চনবা মফম অমদা কুকি মিলিটেন্টশিংনি চিংনবা খূৎলায় মতীকচানা পায়রবা শকখঙদবা কাঙবূ অমনা শান্নরোয়শিংদগী শেল মুন্দুনা অকী-অখঙ মায়োক্নহনবা অমসুং খুদোংচাদবা কয়ামরুম মায়োক্নহনখিবা থৌদোক অদূ হৌজিক মনিপুরদা প্রসিদেন্ট রুল চল্লাইরিবা মরম্না তেকচাক পূম্নমক সেন্টর লৈঙাক্না পুগদবনি হায়না রাজস্থানগী হান্নগী চিফ মিনিষ্টর আশোক গেহলোট না ফোঙদোকখিবগা লোয়ননা হন্দক্কি থৌদোক অদূগী মতাঙদা কন্না য়ানিংদবা ফোঙদোকখিবনি।
খ্বাইদগী লৈবাক মচা তাদবা থৌদোক অদুদা চেন্নরিবা মীওইশিং অদুগী মথক্তা করম্বা এক্সন লৌখৎলবগে নত্রগা লৌখৎনবা হোৎনরিবগে হায়বদু রাজস্থান লৈঙাক অমসুং স্পোর্টস দিপার্টমেন্টনা মীয়াম অমদি অতৈ মরী লৈনবশিংদা খূদক্তা খঙহনগদবনি অদূগা সেন্টর লৈঙাক্কি মায়কৈদগীসু অকনবা থবক পায়খত্তুনা মরাল লৈবশিং খ্বাইদগী অকনবা চৈরাক পীফম থোকই, তূমিন্না লৈশিনখিবা য়ারোই হায়না গেহলোটনা দাবী তৌরি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা