মনিপুরদা লাক্লিবা জনুৱারী থা অসীগী ২৬ তা পাঙথোক্কদৌরিবা রিপব্লিক দেগী থৌরম অসীগী মমাঙদা পোপ্যুলর গভর্নমেন্ট অমা শোয়দনমক শেম্লগনি হায়না হন্দক পাৎশোয় কেন্দ্রগী এম এল এ সাপম কুঞ্জকিশ্বরনা ফোঙদোকখ্রবা মতূঙ মীয়াম্নসু লৈঙাক অমা লৈরবা য়াই হায়না য়াম্না কন্না ঙাঙনরিঙৈ চৈরক্তা বি জে পিগী নেস্নেল লিদরশিংনা কৌরকপদগী ঙরাং মনিপুরগী হান্নগী চিফ মিনিষ্টর নোংথোম্বম বীরেন নুমিৎ য়ুংবা মতূঙদা দিল্লিগীদমক ইম্ফাল থাদোকখ্রে।
বি জে পি মনিপুর প্রদেসকি প্রেসিদেন্ট অধিকারিময়ুম সর্দাসু বি জে পিগী নেস্নেল লিদরশিংনা কৌরকপদগী ঙরাং ইম্ফাল থাদোকখ্রে।তশেংবগীদি নহান জনুৱারী ১৫ দা য়ৌরক্নবা খঙহল্লকখিবনি অদুবু মতম খূয়ৌনখিবদগী ঙরাং ওইনা চৎখিবনি।বিরেন্না ঙসী নোংমা নীনীগী মনূঙদা বি জে পিগী নেস্নেল জেনরেল সেক্রেটরি ( ওর্গানাইজেসন) বি এল সন্তোস অমসুং পার্টি অসীগী অৱাং নোংপোক্কি ইন-চার্জ ওইনা থৌ পুরিবা শম্বিট পট্রাগা উনরবা য়াই হায়রি।
নেস্নেল লিদর অনী অসীনা হন্দক ইম্ফালদা লাক্লমখিবা মতমদুদা, কুমশিং ২০২৭ কি অঙনবা শরুক্তা পাঙথোক্কদৌরিবা মণিপুর লেজিসলেটিব এসেমব্লিগী মীখল অমসুং অতৈ ষ্টেট খরগী মীখল অসী বি জে পিনা শক্তি পায়রগা থেংনগনি হায়না ফোঙদোক্লম্বসু লৈখ্রবনি। মনিপুরদা অথুবা মতমদা পোপ্যুলর লৈঙাক অমা থম্নবগীদমক বি জে পি মনিপুর প্রদেসকি প্রেসিদেন্ট অধিকারিময়ুম সর্দাবুসু কৌরকখিবা ওইগনি হায়বগী থাজবা মীয়ামগী থম্মোয়দা ফাওনরি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে