চৎলিবা জনুৱারী থা অসীগী নিপান্দা মোইরাং থানা লৈকায়দা লৈবা এম এস এলিদাস ফ্যুয়ল ষ্টেসন্দা হেন্দ গ্ৰেনেদ অমা লংশিন্দুনা পোকখায়হল্লম্বা থৌদোক অদূদা হকথেংননা চেন্নবনি হায়না মশামক্না ফোঙদোকচবা মীওই অমা সেক্যুরিটি ফোর্সনা ফাগৎপা ঙমখ্রে। মহাক কংলৈ য়াওল কনবা লূপ (কে ৱাই কে এল) গী এক্টিব মেম্বর অমনি হায়রি। মহাক্কি মমিং হিজম মনিচন্দ্র (৩৫) অপোকপগী মিংনা লৈখিদ্রবা পঞ্চমনি কৌই, ককচীঙ দিষ্ট্রিক্টকী ৱাইখোং চীঙদোঙ লৈকায়দগীনি হায়না পুলিসনা ফোঙদোরক্লি।
মীওই অসী ৱাহং-পাউহং চত্থবদা মশামক হান্না কেসিপি তাইবংঙানবা গ্ৰূপ্তা য়াওরম্বদগী ফাদুনা জেলদা লৈরুরে।বেলদা থোরক্লবা মতূঙদা মমাঙ চহী ২০২৫ গী নবেম্বর থাদা, ৱাঙু মনীং শাবল লৈকাইদা লৈবা ইনাওবী কৌবা মীওই অমগী খূত্থাঙদা কে ৱাই কে এল দা য়াওরকখিবনি হায়না ফোঙদোকচৈ হায়রি।
হন্দক জনুৱারী থা অসীগী নিপান্দা মোইরাং থানা লৈকায়দা লৈবা পেট্রোল পম্প অমদা বোম লংশিল্লম্বগী থৌদোক অদূদা মহাক মশামক অমসুং ইনাওবী কৌবা মীওই অদূমক হকথেঙননা চেন্নৈ হায়নসু ফোঙদোকচৈ হায়রি। ৱাইখোং পুলিস ষ্টেসন্না মহাক্কি মথক্তা কেস অমা লৌখৎপগা লোয়ননা থিজিনবগী থবকসু হৌখ্রে।
You may also like
-
লিয়াংমৈ নাগাগী নূপীশিংনা হোষ্টেজ তরুক থাদোক্নবা রেল্লি চৎখ্রে
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে
-
চাউনা মায় পাক্লকখ্রবা পি ই এস কি মহৈরোয়শিং তরাম্না ওকখ্রে, মনা লান্থোকখ্রে