চৎলিবা অনৌবা চহী ২০২৬ অসীগী অহানবা থা হৌগৎলকপা জনুৱারী গী চৈচৎ অহুমশুবগী অহীঙ নোংয়াই মতূঙ পূঙ অনীরোম তারকপদা য়ুনাইটেদ ষ্টেটসকি লান্মীশিংনা ভেনিজুয়েল্লাগী কেপিটেল সিটি করাকসতা খঙহৌদনা এত্তেক চত্থরকখিবগা লোয়ননা লৈবাক অদূগী প্রসিদেন্ট নিকোলাস মাদুরো অমদি মহাক্কি লোয়নবি, ফার্ষ্ট লেদি সিলিয়া ফ্লোরিস ফাদুনা পুখ্রে।
অহীঙ নোংয়াই চবূক মতূঙদা কেপিটেল সিটি অদূগী অকোয়বদা মিনিত ৩০ রোম চূপ্না নোংথক্তগী বোমগী অকনবা এত্তেকশিং চত্থরবা মতূঙদা মাদুরো অমসুং মহাক্কি লোয়নবী ফাদুনা পুখিবনি হায়রি। অহীঙদা বোম কয়ামরূম পোকখায়রকখিবা অদুদা মীয়াম অকি-অখঙগা লোয়ননা মপান্দা চেন্থোক্নরকখি হায়না এজেন্সিগী পাউ অমনা ফোঙদোরক্লি।
কেপিটেল সিটি অদুগী মনাক্তা লৈবা লা কারলোটা মিলিটরি এরফীল্ড দগী অমম্বা মৈখূ মপৈ কয়ামরূম কারকপা মীয়াম্না উবা ফংনখি।মাদুরোগী লৈঙাক্না য়ু এসকি মায়োক্তা নেস্নেল ইমর্জেন্সি লাউথোক্তুনা ভেনিজুয়েল্লাগী মীয়াম্না অমত্তা ওইনা য়ু এসকি মায়োক্তা লেপমিন্ননবা লাউথোক্তুনা খঙহনবসু লৈখ্রবনি । মাদুরোগী মথক্তা য়ু এসনা নার্কো টেরোরিজমগা মরী লৈনৈ হায়না অকনবা মরাল শীদুনা লাক্লিবনি।
মাদুরো অমসুং মহাক্কি ফার্ষ্ট লেদি সিলিয়া ফ্লোরিস ফাদুনা পুখিবা য়ু এসনা মখোয় অনীগী অশেংবা লৈফমগী মরী-মখোঙ ভেনিজুয়েল্লাগী মীয়ামদা খঙহনগদবনি হায়না লৈবাক অদূগী ভাইস প্রসিদেন্ট না ফোঙদোকপসু লৈখ্রে।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর