ৱাঙ্গোই কেন্দ্রগী এম এল এ খূরায়জম লোকেন অমসুং কেন্দ্র অসীগী হান্নগী এম এল এ ওইনাম লুখোয়গী মরক্তা হৌখিবা থাংজা নুমিৎকি অয়ূক পূঙ ১১ রোম তারকপদা অঙাঙ মচাগী মতৌগুম অৱায়-অখূম তৌনদুনা,লৈবাক মচা তাদবা ৱাহৈ-ৱাতাশিং শীজীন্নরগা অঙকপা মওংদা খৎনরকখিবগা লোয়ননা খূৎ থোক্নরমগদৌরে। স্কুল ফগৎহন্সি মিসনগী মনূঙদা চল্লিবা পাউবিতেক হায় স্কুল অসী য়াওনা ৱাঙ্গোয় কেন্দ্রগী ওইনা মিসন অসীগী চ্যেরমেন সু কেন্দ্রগী এম এল এ না ওইরিবনি।চৈরক অসীদা চে অমা হান্নগী এম এল এ ওইনাম লুখোইনা মহাক্কি মীওই খরগা লোয়ননা পুদুনা লাক্লগা স্কুল অদূগী কা অহূম নৌনা শারগনি হায়দুনা ফোঙদোরকখিবনি।
হায়রিবা ক্লাসরুম অহুম অদুদি এম এল এ খূরাইজম লোকেন্না মহাক্কি এম এল এ লোকেল এরিয়া দেভলপমেন্ট ফন্দগী শেনফমদগী শাবা হৌরদুনা হৌজিক লোইশিল্লক্লবনি হায়না এম এল এ লোকেন্না লুখোইদা ফোঙদোরকখি।লোকেল এরিয়া দেভলপমেন্ট ফন্দগী শেনফমদগী শাবা ওইরবসু মদূ লৌথোকখ্রো মহাক্কি কাঙবূনা নৌনা ক্লাসরুম অহূমদু শাগদবনি হায়না হান্নগী এম এল এ লুখোইনা য়েৎলকপদগী খোন কনখৎনরক্তুনা ফূগায়নগেফাও তৌনরকখি।
তাঞ্জাদুদা ৱাঙ্গোয়গী এস দি পি ও অমসুং অতৈ পুলিস পার্সনেলশিংসু লৈখি অদুগা জোনেল ইদুকেসন ওফিসারসু লৈখি।মখোয় অনিনা কন্না খৎনরকপদু কনামত্তনা খামদোকখিদে।লাইরিক হৈবসু অমনা অমদগী হেল্লি, লাইরিক তাকপীবা ঙম্মি হায়বা অঙাঙ মচা মানবা ৱাহৈ-ৱাতাশিং শীজীন্নদুনা মখোয় অনীনা খৎনরকপদু উবদা মনাক্তা লৈবা মীওইশিং পূক্লী পায়দুনা নোকখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি