হন্দক চহী অসীগী দিসেম্বর অমদগী ১৯ ফাওবা চত্থখিবা পার্লিয়ামেন্ট গী নিংথম মীফমদা পাস তৌরদুনা লৈবাক অসীগী প্রসিদেন্ট দ্রৌপদি মুর্মুনা এসেন্ট পীখ্রবা,হান্না এম জি এন আর ই জি এস হায়না খঙনরম্বা,মালেমগী খ্বাইদগী চাউরবা এমপ্লোইমেন্ট গরেন্টি স্কিম অসীবু জি রাম জি হায়না ওন্থোক্তুনা এক্ট অমা ওইনা চৎনহনখিবগী থৌওং অসিবু ত্রোংলাউবি তেরাখোঙশাংবীদা লৈরিবা জোব কার্দ হোল্ডরশিংনা তরাম্না ওকখিবগা লোয়ননা বি জে পিনা লুচিংবা এন দি এ লৈঙাকপু থাগৎপা ফোঙদোকখ্রে।
য়ু পি এগী লৈঙাক লৈরিঙৈ মতমদা লায়রবা মীয়ামগীদমক হৌদোক্লম্বা মহাত্মা গান্ধী নেস্নেল রুরেল এমপ্লোইমেন্ট গরেন্টি স্কিম (এম জি এন আর ই জি এস) হায়রিবা অসিনা লৈবাক অসিগী লায়রবা মীয়ামদা চহী অমদা নুমিৎ চাম্মা থবক ফংহন্দুনা লাকখিবনি।মসীগী মমীং হন্দক এন দি এ লৈঙাক্না নৌনা জি রাম জি হায়না হোংদোকখিবগা লোয়ননা ফন্দিং পেট্টর্নসু হোংদোক-হোংজিন তৌখ্রবনি অদূগা হান্না চহী অমদা নুমিৎ চাম্মা থবক পীরম্বা অদুসু হেঙ্গৎহন্দুনা চহী অমদা নুমিৎ ১২৫ নি থবক পীননবা অনৌবা এক্ট অসীদা পান্দম থম্লিবনি।
অসীগুম্বা এন দি এ লৈঙাক্কি খোঙথাঙ অসী তরাম্না ওক্লি অমসুং অপেনবা পোকই হায়না ত্রোংলাউবী,তেরাখোঙশাংবী ৱার্দ নম্বর ফোরগী জোব কার্দ হোল্ডরশিংনা ফোঙদোকখি।শিন্মীশিংগী মহুৎ শিল্লদুনা য়ূমখায়বম থাজমানবিনা সেন্টর লৈঙাক্কি থৌশিলবু থাগৎপা ফোঙদোরক্লি।