Manipur

লৈচীল- নোংফাই কা হেন্না থাংবদগী দিল্লিদা ফ্লাইট ১০০ হেন্না কেন্সেল তৌখ্রে

By Sonakshi Sarkar / December 16, 2025

কা হেন্না লৈচীল- নোংফাই থাংবনা মরম ওইরগা কেপিটেল সিটি দিল্লিগী ইন্দিরা গান্ধী ইন্টর্নেস্নেল এয়রপোর্টতা ফ্লাইট ১০০ হেন্না কেন্সেল তৌখ্রে হায়না এয়রপোর্ট অসীগী ষ্টেটমেন্ট অমদা খঙহল্লক্লি। অতোপ্পা পাউগী লীখূল অমগী মতূঙ ইন্নদি ফ্লাইট ৪০ কেন্সেল তৌখি অদূগা অতোপ্পা ফ্লাইট ৩০০ হেনবনা মতম থেঙথনা সার্বিস তৌখি হায়রি।

ফ্লাইট ট্রেক্কিং ৱেবসাইট ফ্লাইট রাদর ২৪ গী মতূঙ ইন্না,দিল্লিদা ঙরাং অয়ূক পূঙ ৬ লোম তাবদা কা হেন্না লৈচীল-নোংফাই থাংখিবদগী উবা ঙম্বগী চাংসু য়াম্না নেম্না লৈখি।মসীনা মরম ওইরগা এয়রপোর্টশিংদা প্লেন তারকপা অমসুং পাইখৎপদা য়াম্না খুদোংথীনিঙাই ওইগনি খনবদগী ফ্লাইট অয়াম্বা কেন্সেল তৌখিবনি অদূগা অতৈ ফ্লাইট কয়ামরুম্না মতম থেঙথরগা পাইহনখিবনি হায়রি।

এয়রপোর্টকি রন- ৱেদা উবা ঙম্বগী চাং য়াম্না হন্থরকপদগী মহৌশাগী সার্বিসতা অকায়বা পীখি। কেপিটেল সিটি দিল্লিগী ওইনা লৈচীল নোংফাই কা হেন্না থাংবতা নত্তনা নুংশিৎ মোৎপগী চাংসু অঙকপা ফংনা অকিবগী মশক ওইরক্লি। ঙরাং অয়ূক পূঙ ৬ তাবদা দিল্লিদা এ ক্যু আই ৪৫৭ য়ৌনা নুংশিৎ মোৎপা থেংনখি হায়রি।

Leave a Reply Cancel reply