চৎলিবা দিসেম্বর থা অসীগী ২৪ ফাওবা চত্থরগদবা ৩২ শুবা ইম্ফাল বূক ফ্যের ঙরাং হৌদোকখ্রে।বূক ফ্যের হৌদোকপগী থৌরমদুদা মনিপুর লৈঙাক্কি আর্ট এন্দ কলচরগী কম্মিস্নর ৱাই গ্যানপ্রকাশ,দিরেক্তোরেট অসীগী দিরেক্তর কে দিনমনি অমসুং দিপার্টমেন্টগী দেপ্যুটি সেক্রেটরি সুনন্দ থোকচোম শরুক য়াখি।
লাইরিক্কি স্টোল ১০০ গী মথক্তা হাংদুনা পাঙথোক্লিবা লাইরিক মেলা অসীদা মনিপুরগী মপান্দগী লাকপা বূক ফার্ম কয়ামরূম অমসুং লমদমসীগী বূক পব্লিসর অমদি দিষ্ট্রিব্যুটর কয়ানা শরুক য়ারি।হন্দক্কি লাইরিক মেলা অসীদা মীয়ামদা মহৌশাগী মমলদগী চাদা ১৫ গী দিস্কাউন্ট পীদুনা অহোঙবা মমলদা লাইরিক খূদীঙমক ফংহনবা হৌখ্রে।
দিজিটেল ইরাগী মতমসিদা ঙসীফাওবা লাইরিক্কি মহূৎ শিনবা ঙম্বা পোৎশক অমত্তা লৈত্রি।মরম অদূনা হৌরক্লিবা মহৈরোয়শিংনা লাইরিক পাবগী হৈনবী থম্ননবা হোৎনসি।পাবগী হৈনবী য়াওদ্রবা মহৈরোয়দি পুন্সিদা মায় পাক্লরোই হায়বা ৱাফম আর্ট এন্দ কলচরগী কম্মিস্নারগী ৱারোলদা ময়েক শেংনা থমখি।
অইবশিং অমসুং পব্লিশরশিংগা উনবগী অমসুং অতৈ শক্নায়রবা মীওই কয়াগা উনবগী থৌরমশিংসু হন্দক্কি বূক ফ্যের অসীদা থম্লি হায়না ষ্টেট সেন্ট্রেল লাইব্রেরিগী চিফ লাইব্রেরিয়ানগী ষ্টেটমেন্ট অমদা খঙহল্লক্লি।বূক ফ্যের অসী হন্দক চহিগী ওইনদি ষ্টেট সেন্ট্রেল লাইব্রেরিগী কমপ্লেক্সতা পাঙথোক্লি।
You may also like
-
মনিপুরদা সেক্যুরিতি ফোর্সশিংনা খোংজং চেল্লে মিলিটেন্ত ৪ অমসুং ড্রাগস থোংবা নুপী অমা ফাগৎখ্রে
-
হৌখিবা অহীঙদগী ইম্ফাল-য়াইরিপোক লম্বীদা পূং ৭২ গী বন্দ হৌখ্রে
-
থৌবাল দিষ্ট্রিক্টকি মনূঙচন্না অন অথোরাইজ ওইনা হাংলম্বা হেল্থ ইন্সটিট্যুসন ১৯ থিংজিনখ্রে
-
কুকিশিংদা চানা-থক্নবা পোৎলমশিং পীরম্বগীদমক নাগা অনী ফারগা ফূধখ্রে
-
সাহাম্ফুং -কামজোং ফাওনরিবা বেল্লি ব্রিজ শকখঙদবশিংনা বোম কাপশীন্দুনা থুগাইরম্লে