কুমশিং ২০১৯ দা উরেপ-উয়ুং তমদুনা পি এম জি এস ৱাইগী ইলিভেসন ফেজ-২ ২০১৭-১৮ গী মখাদা, ঈরীল তুরেলগী মথক্তা,হুইদ্রোম অমসুং সেক্তা খুঙ্গং অনীগী মরক্তা লান্থোক-লান্সিন তৌননবা শাবা হৌখিবা আর সী সি ব্রিজ অসী শাবা হৌরম্লগা মরী লৈনবা কন্ট্রেক্তর অদূ ঙসীফাওবা তূমিন্না লৈশিনখিবা অসী য়াম্না লাইবক থীবনি।মরম অদূনা লাক্লিবা দিসেম্বর অমা ফাওবদা থোং অসী শাবা লোইশিন্দুনা মীয়াম লান্থোক-লান্সিন তৌবা য়াহন্দ্রবদি ইম্ফাল-ঊখ্রূল লম্বী অমদি কৈবি লম্বী থিংজিনবগী খোঙজঙ চঙশীল্লগনি হায়না থোং অসীগী মতাঙদা শেমখিবা কম্মিটিনা ফোঙদোকখ্রে।
ব্রিজ কন্সট্রক্সন দিমান্দ কম্মিটি,ইরিল রিভর হুইদ্রোম-সেক্তাগী কনভিনর ওইনা লৈরিবা য়ূমখায়বম বোসন্না পাউমীশিংদা ৱাফম অসী ফোঙদোকখিবনি।মহাক্না হায়,লাক্লিবা দিসেম্বর অমা ফাওবদা থোং অসী শাবা লোইশিন্দুনা মীয়াম চৎথোক-চৎশীন,লান্থোক -লান্সিন তৌবা য়াহন্দবা তারবদি মথং নুমিৎ দিসেম্বর অনীদগী ইম্ফাল -ঊখ্রূল লম্বী থিংজিল্লগনি অদুগা ইম্ফাল-কৈবি লম্বীসু থিংজিল্লগনি।
নোংমখক্তদা চপ মান্ননা উরেপ-উয়ুং তম্মিন্নখিবা ইথম নুঙ্গোয়গী আর সি সি ব্রিজ দি চহী অনীগী মমাঙদা মপূঙফানা শাবা লোইরদুনা মীয়াম লান্থোক -লান্সিন তৌবা হৌখ্রে অদুগা হুইদ্রোম-সেক্তাগী ব্রিজ অসীদি হৌজিকফাওবা মচী লেঙদনা লৈরি হায়না মহাক্না পেন্দবা ফোঙদোকখি।থোং অসীগী মনাক্তা লৈরিবা সস্পেন্সন ব্রিজ অসীসু ফীভম য়াম্না শোকচীল্লকপনা মীয়াম্না লান্থোক-লান্সিন তৌবদা খুদোংথীবা মায়োক্নগদ্রা হায়বগী চাউনা মিপাইবা ফাওনরে হায়খি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর