হৌখিবা নুমিৎ মরি -মঙানিগী মমাঙদা পাকিষ্টানগী পেশৱারদা লৈবা মিলিটরি ইন্সটোল্লেসন অমদা সুইসাইদ এত্তেক চত্থরকপদা মীওই কয়ামরুম হাৎখিবা থৌদোক অদূগী লম্মন খুম্বা মানবা মওংদা পাকিষ্টানগী মায়কৈদগী চৎলিবা নবেম্বর থা অসীগী ২৪ গী অথেঙবা অহীঙগী মতমদা আফঘানিষ্টান্দা এয়র ষ্ট্রাইক চত্থখ্রে। লৈবাক অনী অসীগী মরক্তা হৌজিক টেন্সন য়াম্না ৱাংনা লৈরক্লি।
পাকিষ্টানগী এয়রষ্ট্রাইক অদুদা অঙাঙ নূপামচা মঙা,নূপীমচা মরি অমসুং নূপী অমা,পূন্না মীওই ১০ শিখ্রে হায়না এজেন্সিগী পাউ অমদা ফোঙদোরক্লি। আফঘানিষ্টানগী নোংপোকথংবা বোর্দর রিজন্দা লৈবা রেসিদেন্সিয়েল এরিয়াদা পাকিষ্টান্না লম্মন খুম্বা ওইনা এয়রষ্ট্রাইক অদু চত্থরকখিবনি হায়রি।
টালিবান এদমিনিষ্ট্রেসনগী স্পোক্সমেন ওইরিবা জাবিহুল্লাহ মুজাহিদনা পাকিষ্টানগী থৌওং অদূবু য়াম্না অকনবা মওংদা কন্দেম তৌখি।মদূগী মতীকচাবা লম্মন খুমদনা তোক্লোই, কৈদৌনুংদা লেম্মা থারোই হায়না ফোঙদোরক্লি।