বাজাজ জেনেরেল ইন্সুরেন্স না ইম্ফলদা এন.ই.এফ.তি. ফোর্জারি গী মতাংদা এফ.আই.আর. কেস অমা ফাইল তৌখ্রে

ভারতকী মকোক থোংবা প্রাইবেৎ জেনরেল ইন্সুরেন্সশিংগী মরক্তগী অমা ওইরিবা বাজাজ জেনরেল ইন্সুরেন্সনা কোবিদ-১৯ লাইচৎ মনুংদা প্রোসেস তৌখিবা মেদিকেল রিইম্বর্সমেন্ত ক্লেমশিংদা অশোইবা-অরান্বা কয়া থেংনবদগী মণিপুরগী ইম্ফালদা লৈবা পোরোমপাৎ পুলিস স্তেসনদা এন.ই.এফ.তি. ফোর্জারি গী কেস অমা রিপোর্ত তৌখ্রে।

লাইচৎ অসিগী মনুংদা, কম্পেনী অসিনা তোঙান তোঙানবা ইন্সুরেন্স য়াউবা মীওই তরামরিদগী মেদিকেল রিম্বর্সমেন্ত ক্লেমশিং প্রোসেস তৌখি অমসুং সেতল তৌখি। ক্লেম খুদিংমক মতিক চাবা মওংদা এসেসমেন্ট তৌখি অমসুং ক্লেম তৌবা মীওইশিংনা পীরম্বা বেঙ্ক একাউন্টশিংদা এন.ই.এফ.তি গী খুত্থাংদা দিসবরস তৌখি। অদুম ওইনমক, সেতলমেন্ত তৌরবা মতুংদা, কম্পেনীগী ইন্তরনেল মোনিতরিং সিস্তেমশিংনা থেংনরকখিবা এনোমেলীশিংনা ইন্সুরেস্তশিংনা পীরকপা বেঙ্কিংগী অকুপ্পা মরোলশিং অদু শাশিন্নবা কয়া  য়াউরমবা য়ারি হায়না তাকখি।

মসিগী মতাংদা ইন্ভেস্তিগেশন অমা হৌখি  অমসুং কম্পেনী অসিনা পেনি দ্রোপ ভেরিফিকেসন মেথদ, একাউন্ত মপু অদু অচুম্বানি হাইবা খঙদোকনবা নোমিনেল এমাউন্ট অমা হান্না থারগা য়েংবগী স্তেন্দর্দ বেঙ্কিং প্রাক্তিস অমা শীজিন্নখি। মদুদা অরানবা কয়া অমা থেংনখি: ক্লেমশিং অসি তোঙান তোঙানবা আইদেন্তিতী তরামঙাগী মখাদা পীশিনখ্রবসু, পীথোকখিবা শেনফমশিং অসি অখন্নবা বেঙ্ক একাউন্ত মঙা খক্তদা থেংনখি। পেনী দ্রোপকী খুত্থাংদা ভেরিফাই তৌরবা একাউন্ত হোল্দরগী মিংশিং অসি চেক অমসুং ক্লেম ফোর্মশিংদা য়াওরিবা মিংশিংগা চান্নদে। মখা তানা য়েংশিনবদা তোঙান তোঙানবা মমিংশিং য়াওবা চেকশিং অসি একাউন্ত নম্বর অমগা মরী লৈনৈ, মসিনা বেঙ্কিং ইন্সত্রুমেন্তশিংবু তৌগে হাইনা মেনিপ্যুলেত তৌবা অমসুং ফোর্জারি কনফার্ম তৌই।