মনিপুর লৈঙাক্কি এদ্দিস্নেল চিফ সেক্রেটরি (ট্রান্সপোর্ট/টি সি আই) আনুরাগ বাজপাইনা ঙরাং ইম্ফালগী মোইরাংখোমদা লৈরিবা মনিপুর ষ্টেট ট্রান্সপোর্ট ( এম এস টি) কমপ্লেক্স তা চত্তুনা মফম অদূগী ফীভম য়েংশিনখিবগা লোয়ননা মতম কয়াগী মমাঙদগী লৈঙাক-মপূ পান্দবগী ফীভমদা মওং-মরীল তাদনা, ইচায় চাইদুনা লৈরবা কমপ্লেক্স অদূ লাক্লিবা নুমিৎ হুম্নিগী মনূঙদা শেংদোক্তুনা লূ-নান্না থমগদবনি হায়না অকনবা ইন্সট্রক্সন অমা ওফিসিয়েলশিংদা পীদুনা খঙহনখ্রে।
চহী কয়াগী মমাঙদগী শেমজিনবিদনা, নোংখাঙ চাইদুনা, কান্নফম খঙদনা কমপ্লেক্স মনূঙদা তাদুনা লৈরিবা এম এস টিগী বস ময়াম অদূসু খূদক্তা শেমজীন্দুনা সার্বিস তৌবা য়াননবগী থাক্তা থম্ননবা ওফিসিয়েলশিংদা খঙহনখি। কমপ্লেক্স মনূঙগী লম্বী ময়ায়দা মফম চাদনা খিন্দুনা লৈরিবা জেনরেটরশিং লৌথোক্তুনা শেমজীন্ননবা লোয়ননা মফম চাবদা খিন্দুনা থবক-থৌরমশিংদা শীজীন্নবা য়াবগী থাক্তা থম্ননবা ওফিসিয়েলশিংদা মখাতানা মহাক্না পাউতাক পীরমখি।
রেলৱেজগী ওফিসিয়েলশিংনা মতম কয়াগী মমাঙদগী লংশেক্তূনা থম্লকখিবা অমোৎ- অকায়শিংনা চীঙমূক ৱাংনা পৈখত্তুনা লৈবদগী মনাক নকপা মীয়ামগী হকশেলদা চাউনা অকায়বা পীরকপা য়াবা মতৌ অদূ উবদা আনুরাগ বাজপাইনা অঙকপা অমসুং পেন্দবা ফোঙদোকখিবগা লোয়ননা খূদক্তা শেংদোক্তুনা লূ-নানবা কমপ্লেক্স অমা ওইহন্ননবা ওফিসিয়েলশিংদা অকনবা ইন্সট্রক্সন পীরমখি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে