মনিপুরগী য়াম্না মরুওইবা লম্বীশিংগী মনূঙদা অমা ওইরিবা, অদূগা দিষ্ট্রিক্ট কয়াগী মরক্তা ফাওনা-লম্বী অমা ওইদুনা লমদম অসীগী শেন্মিৎলোনদা অচৌবা থৌগাই পুদুনা লাক্লিবা ময়াঙ- ইম্ফাল লম্বী হায়রগসু মীয়াম্না হেন্না খঙনরিবা ময়ায় লম্বী অসী মতম কয়াগী মমাঙদগী য়াম্না ফীভম ফত্তনা লাক্লি। লম্বী অসীগী অয়াম্বা মফমশিং হায়বদি চাদা ৮৯ লোম মতম শাংনা রিপ্যারিং তৌরকখিদবনা মরম ওইরগা গারি অমদি খোঙনা ফাওবা চৎপা য়াদ্রবা লম্বী হায়বদু ওইরক্লি।
লম্বী পরীং অসীগী নাক-য়েত্তা খুন্দারিবা মীয়াম্না কুইরবা মতমদগী ঙসীফাওবদা হঞ্জিন হঞ্জিন লম্বী অসী শেম্বীননবা লৈঙাক্কি মরী লৈনবা অথোরিটিদা হায়জদুনা লাকখ্রবসু তাবিরক্তবদগী খোয়শাওনরবা মীয়াম্না লম্বীদা থোক্লক্তুনা অকনবা প্রোটেষ্ট তৌখ্রে।শাউবনা মৈ হৌরবা মীয়াম্না লম্বী ময়ায়দা তয়ার অমসুং উ কয়া পৈখত্তুনা মৈ থারদুনা অচৎ- অওকশিং থিংখ্রে।
মরূ ওইনা থোংখোঙ লক্সমী বজার, ময়াঙ ইম্ফাল বজার, হীয়াংথাং, শামুরৌ বজারনচিংবদা মীয়াম থোক্লক্তুনা অকনবা প্রোটেষ্ট চত্থখি। মীওইবদি লায়রদনা শা-ষন্নফাওবা চৎলূ য়াররোইদবা লম্বী অসী ঙসী নোংমা- নীনীগী মনূঙদা লৈঙাক্না মীৎয়েঙ চঙদুনা শেমজীন্দ্রবদি মতম পূম্বগী ওইনা থিংজিল্লগনি হায়রি।