লম্বীগী এক্সিদেন্টতা মী শিবগী চাং অসী মনিপুরনা খ্বায়দগী হেন্না ৱাংলি। ইন্দিয়া অপূনবগী ওইনা য়েংবদা মনিপুরনা খ্বায়দগী মশীং হেল্লি। ফীভম অসী এক্সিদেন্ট থোক্তুনা শোক্লবশিং মীয়াম্না নীঙথিজনা দিল তৌবা, লোয়নবা, সেবা তৌবা হৈতবদগী, অশোয়বা লৈবদগী থোকপনি হায়না মনিপুর লৈঙাক্কি এদ্দিস্নেল চিফ সেক্রেটরি অনুরাগ বাজপায়ি না ফোঙদোকখ্রে।
ৱাফম অসী ঙরাং পাঙথোকখিবা ৱান দে ষ্টেট লেভেল ৱার্কশোপ ওন কেসলেস ট্রিটমেন্ট ওফ রোদ এক্সিদেন্ট ভিক্তিম স্কিম ২০২৫ এন্দ কম্পেন্সেসন টু ভিক্তিম ওফ হীট এন্দ রন মোটোর ভেহিকলস এক্সিদেন্টকি ৱার্কশোপ অমদা বাজপায়ি না ফোঙদোকখিবনি। মনিপুর লৈঙাক্কি ট্রান্সপোর্ট দিপার্টমেন্টনা এন আই সি মনিপুর ষ্টেট য়ুনিটকা খূৎশম্নদুনা ইলেক্ট্রোনিক দিটেল এক্সিদেন্ট রিপোর্ট ( ই-দার) ৱার্কশোপ হৌদোকপা থৌরমদা বাজপায়িনা মহাক্কি ৱাফম অসী ফোঙদোকখিবনি।
ষ্টেট হেল্থ এজেন্সিগী সি ই ও কেঙু জুরিংলা, ষ্টেট নোদেল ওফিসার ওইনা লৈরিবা দি আই জি যোগেশচন্দ্র হাওবিজমসু থৌরমদুদা শরুক য়াখি।
