পিপলস রিভোল্যুসন্নরি পার্টী ওফ কংলৈপাক- প্রোগ্ৰেসিব (প্রিপাক-প্রো) গী ফিঙাং লান্মী শাফোঙলকখিবগী চহী ৪৯ শুরকপগী কুম্মোন থৌরম চৎলিবা ওক্তোবর থা অসীগী ৯ দা চীঙ-লেম্না পাঙথোকখ্রে।
পার্টী অসীগী তোঙান- তোঙানবা য়ুনিটশিং, হেদক্বার্টর, বট্টালিয়নশিং অমদি ট্রেনিং সেন্টরশিংদসু পাক-সন্না থৌরম পাঙথোকখি হায়রি। থৌরম অসীনা লাকপদা পার্টীগী মায়কৈদগী লমদম অসীদা মশাগী মরমদম, মরৈপাক কন্ননবা লান্থেংনবদা থৌনা ফনা থৱায়না পোন্থা পীখ্রবা ঈরৈচাশিংগী মফমদা লূপকি মায়কৈদগী ঈকায়খুম্নবগা লোয়ননা হৈরাং-লৈরাং কত্তুনা থৌনিজখি।
লমদম অসীগী শক্তম কায়হন্দনা থম্ননবা হোৎনবদা অৱা-অনা মায়োক্নরবা, মফম খঙদনা লৈরিবা অমসুং লাঞ্জেন্নরগা লৈরিবা মীয়ামগী মফমদসু ঈকায়খুম্নবা ঊৎখি।লূপকি চ্যেরমেন লোংজম পালিবা এম না থাদোরকপা চেরোল অমদা হায়, খুনাই অমা, লৈবাক অমা শান্তি লৈননবা অমসুং চাওখৎপা পুরক্নবগী লম্বীদা খ্বায়দগী হেন্না অপনবা ওইরিবা ইন্দিকেটরশিংগী মরক্তা, লৈবাক অদুদা লৈরিবা কাঙলূপশিংগী মরক্তা মূক্নবগী ফীভম লৈরকপা, থবক ফংদবগী চাং হেঙ্গৎলকপা,মীয়াম মরক্তা তোৎন-তিন্নবগী চাং ৱাৎলক্লবা, ক্লাইমেট চেঞ্জ মায়োক্নবগা মরী লৈনবা হীরমশিংদা লৈবাক অদুদা লৈরিবা মীয়ামগী মরক্তা থৌশানদবগী চাং হেঙ্গৎলকপা অমসুং থবক শুনিং-নোম্নীংবগী হীরমদা থৱায় য়াওনরক্ট্রবা মতমদুদা চাওখৎপা, শান্তি লৈবা হায়বদু ওন্ন-তৈনবা থাক্তা কূমথরক্কদৌরিবনি হায়না চেরমেন্না মীয়ামদা পীরকপা পাউজেলদা ফোঙদোরক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা