মীয়াম্না ব্রেষ্ট কেন্সরগী লায়না-লাইওংশিং মশা-মশানা চেক তৌদুনা য়াম্না অরায়বা মওংদা খঙদোক্তুনা মতম চানা লায়েংহৌবা ঙম্ননবা পান্দমদা গুরগাউদা লৈবা মেদান্তা- দি মেদিসিটি হোস্পিটালনা ইদুকেস্নেল ভিডিও অমা লোঞ্চ তৌখ্রে। ” জান্টা হায় মেদান্তা”, হায়রিবা ইদুকেস্নেল ভিডিও অসী, হোস্পিটাল অসীনা কেন্সর লায়না থেংননবা লৌখত্তুনা লাক্লিবা ইনিসিয়েটিবশিংগী শরুক অমনি হায়রক্লি।
ভিডিও অদুদা হোস্পিটাল অদূগী ব্রেষ্ট কেন্সরগী সেনিয়র দিরেক্তর ওইনা লৈরিবা দা. কঞ্চন কেওরেলনা, মিনিট ৩খক্কি মতমদা কনাগুম্বা মীওই, মরূওইনা নূপী ওইবীশিংনা ইচম চম্বা থৌরাং অহুমখক লৌখত্তুনা মশাগী থবাক, খোমগী শরুকশিং, শেগ্ৰাকনচিংবদা অপোম- অতঙ, ঊন্সাদা ঙাঙশীল্লকপা য়াওব্রা হায়বনচিংবা ঈরায় লায়না য়েংথোকপা য়ারে হায়বদু ঊত্তুনা মীয়ামদা এৱের্নেস পীখিবনি।
থৌরাংশিং অসী ঈচম চম্না লৌখত্তুনা য়েংবদা ব্রেষ্ট কেন্সর লৈ নত্রগা লৈতে হায়বদু চাদা ৮০ দি তশেংনা মশক খঙদোকপা ঙম্মি হায়বদুসু ইদুকেস্নেল ভিদিও অদুদা ঊৎখি। নূপী ওইবিশিংনা থাগী খোঙকাপ লাকখ্রবা মতূঙ নুমিৎ নিনী-হুম্নিরোম লৈরগা মশামক্কি খূৎশা অহুম শীজীন্নদুনা খোমগী শরুকশিং, ঙকশম, শেগ্ৰাক্নচিংবদা নমদুনা অপোম- অতঙ লৈব্রা য়েংবা য়াই হায়বদু দিমোন্সট্রেট তৌদুনা ঊৎখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি