লম্লক্কি শা- উচেক, পাম্বীশিং কন্দুনা মীওইবা অমসুং লম্লক্কি শা- উচেকশিংগী মরক্তা অচেৎপা মরী শাগত্তুনা তুং কোইনা হিংবা য়াবা মালেম অমা শেমগৎপদা ঐখোয়গী মৈরা পায়বী ঈমাশিংগী মতেং মথৌ তাই হায়না চান্দেল দিষ্ট্রিক্ট কি দিবিজনেল ফোরেষ্ট ওফিসার এন মুনাল মৈতৈনা ফোঙদোকখ্রে।
য়াঙ্গেনচীঙ অমসুং কাংবুং রিজার্ব ফোরেষ্টকি মনাক্তা লৈবা ককচীঙ দিষ্ট্রিক্টকি সেরৌ খুলদা মৈরা পায়বী ঈমাশিং, মহৈরোয়শিং, সিংতম পুলিস আউটপোষ্ট কি ওফিসার- ইন-চার্জ, অতৈ পুলিস পার্সনেলশিং, ৪৬ শুবা আসাম রাইফলসকি ওফিসার অমসুং ষ্টাফশিং লোয়ননা ফোরেষ্ট দিপার্টমেন্টকি ষ্টাফশিং য়াওনা পাঙথোকখিবা ৭১ শুবা ৱাইল্ড লাইফ চয়োল পালন থৌরমদা দি এফ ও অসিনা মহাক্কি ৱাফম অসী ফোঙদোরকখিবনি।
থৌরমদুগী শরুক অমা ওইনা চকপী তূরেলগী তোর্বান পরীঙদসু মীয়াম্না উ চারা ৩০০ লোম থাখি। ওক্তোবর ২ দগী ৮ ফাওবা চহী খূদীংগী ওইনা পাঙথোক্তুনা লাক্লিবা ৱাইল্ড লাইফ চয়োল পালন থৌরমগী মনূঙচন্না হন্দক চহীগী ওইনসু চান্দেল দিষ্ট্রিক্ট তা থৌরম অসী দি এফ ও চান্দেলগী ওফিসনা শীন্দুনা পাঙথোক্লিবনি।নাকল অমরোমদা, থৌবাল দিষ্ট্রিক্টকি দি এফ ও ওইনা থৌ পুরিবা এল জেসিলিগী মীৎয়েং মখাদা থৌবাল ফোরেষ্ট রেঞ্জনা শীন্দুনা ফূনাল মরিং ভিল্লেজদা মহৈরোয়শিংগা লোয়ননা ট্রেক্কিং চত্তুনা হ্যুমেন- এনিমেল কো-এগজিষ্টেন্সকি থৌরম অমসু পাঙথোকখ্রে।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি