হৌখিবা সেপ্তেম্বর ১৯ গী নুমিদাংৱাইরম পূঙ ৫.৩০ রোম তাবদা বিষ্ণুপুর দিষ্ট্রিক্ট কি মনুঙচন্না লৈরিবা নম্বোল পুলিস ষ্টেসননা কোনবা নম্বোল সাবল লৈকায়গী টিদিম লম্বীদা ইম্ফাললোমদগী বিষ্ণুপুর মায়কৈরোমদা ৪০৭ মিনি টাটা অমদা লাকখিবা ৩৩শুবা আসাম রাইফলসকি কাঙবূ অমদা এম্বুস তৌদুনা এ আরগী জে সি ও অমা য়াওনা পার্সনেল অনী হাৎখিবা লোয়ননা অতৈ পার্সনেল মঙা তমথীনা অশোক- অপন থোকহনখিবা থৌদোক্তুদা হকথেংননা চেন্নবনি হায়বা পি এল এগী এক্টিব কাদর অনী আসামগী গুৱাহাটিদগী নৌনা ফাগৎপা ঙমখ্রে।
আসাম পুলিসকি ক্রাইম ব্যুরো পুলিসনা ফাগৎপা ঙমখ্রবা পি এল এগী কাদর অনী অদুগী মমীং থোংগ্ৰাম সদানন্দ এলাইজ ঙাচীক এলাইজ কুরাকপম (১৮) অমসুং চোংথাম মাহেশ এলাইজ মোমো এলাইজ অমো (৫১) অসীনি। চোংথাম মাহেশতি পি এল এ গী সেনিয়র কাদরনি। মহাক হৌখিবা কুমশিং ১৯৯০ গী মতমদগী আইন্না থিংখ্রবা লূপ অসীদা য়াওরকখিবনি হায়রি।
হন্দক সেপ্তেম্বর ২৪ দা সেক্যুরিটি ফোর্সকি কম্বাইন টিম অমনা কামেং এরিয়াদগী ফাগৎখিবা অৱাং লৈকিন্থবী অৱাং লৈকায়দগী খূন্দোংবম ওজিৎ (৪৭), অপোকপা লৈখিদ্রবা কে ঐচ মনিগী মতূঙদা ঙরাং গুৱাহাটিদগী নৌনা মীওই অনী ফাগৎপা ঙমখিবা অসীনা মরম ওইরগা এ আরদা এম্বুশ তৌবদা চেন্নবশিংগী লংলা-লংজিল ময়েক শেংনা খঙবা ঙমখিবগা লোয়ননা মখাতাবা ইনভেষ্টিগেসনগী থবকশিংদসু হেন্না লায়থোকহল্লগনি হায়রি।
You may also like
-
ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে
-
লাঙ্গোল গেম ভিল্লেজ লম্বী মতম কক্তনা থিংজিনখ্রে
-
আর কে হেমাবটিদা লাইফটাইম এচিবমেন্ট এৱার্দ পীরগনি
-
ফেব্রুয়ারি ১০ দগী ইম্ফালদা নন-ষ্টোপ স্পাইসজেট ফ্লাইট সার্বিস লৈরগনি
-
মোন্ট্রা ইলেক্ট্রিক না ইন্দিয়াদা পি এম ই-দ্রাইব সর্টিফাইদ ইলেক্ট্রিক ট্রক পুথোকপদা অহানবা ওইরে