টুরিজম ইন্দষ্ট্রি হায়বসি মালেমগী ওইনা খ্বাইদগী খূমাঙ য়াঙনা চাওখৎলক্লিবা ইন্দষ্ট্রি অমনি। মনিপুরদসু নোংমা-নোংমগী ইন্দষ্ট্রি অসী হেন্না চাওখৎলক্লি। লৈঙাক অসীনা মনিপুরদা টুরিষ্ট মশীঙ হেন্না চঙলক্ননবা হীরম খূদীংমক্তা অকনবা মীৎয়েং চঙদুনা হোৎনরক্লি হায়না মনিপুরগী চিফ সেক্রেটরি পুনিট কুমার গোয়লনা ফোঙদোকখ্রে।ষ্টেট লৈঙাক্কি টুরিজম দিপার্টমেন্টনা শীন্দুনা থাংমৈবন্দগী চৈরাও চীঙদা পাঙথোকপা ৱারল্ড টুরিজম দে-২০২৫ গী থৌরমদা ৱা ঙাঙবদা চিফ সেক্রেটরি পুনিট কুমার গোয়লনা ৱাফম অসী ফোঙদোরকখিবনি।
টুরিজম এন্দ সষ্টেনেবল ট্রান্সফোর্মেসন হায়বা থিমদা পাঙথোকপা থৌরম অদুদা চিফ সেক্রেটরিনা মখাতানা হায়, মনিপুরদা হৌজিক থোক্লিবা হীঙশাগী ঈরাং অসীনা মরম ওইরগা মপান লৈবাকশিংদগী ষ্টেট অসীদা লম কোয়বা লাকপা টুরিষ্টশিংগী মশীংগী চাংসু মহৌশাগা য়েংনরুবদা হন্দক্কি চহী অনী-অহুমগী মতমসিদা চাদা ২০ গী চাংদা হন্থখ্রে। টুরিজম চাওখৎহল্লবা মতমদুদা ষ্টেট অসীগী মীয়ামগী শেল-থুমগী ফীভমসু হেন্না ফগৎলক্কদৌরিবনি।
লৈঙাক অসীনা মালেমদা শকখঙনরবা লমদম অসীগী সিরুই লিলি অমসুং সঙাইনচিংবগী ফেষ্টিভেলশিং লেপ্তনা পাঙথোক্তুনা লাক্লি। মসীনা ঐখোয়গী চৎনবী, নাৎ-কলচর মালেমগী মীয়ামদা য়াম্না লায়না খঙহনবগী মথক্তা তোঙান-তোঙানবা মালেমগী কম্যুনিটিশিংগী নাৎ-চৎনবী, কলচর খঙমিন্নদুনা নুংশিনবগী অচেৎপা মরীসু থম্বা ঙমগদৌরিবনি হায়খি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে