হৌখিবা নুমিৎ মঙানিরোমগী মতমসিদা মনিপুরদা খঙহৌদনা অকনবা নোং লেপ্তনা হৈথরকপা মরম্না ষ্টেট অসীগী তম্পাক্কি মফম অয়াম্বা তুরেলগী লৌনম্বাল কায়রকপা অমদি ঈশীংগী ঈমায় ৱাংখৎলক্তুনা তুরেল তোর্বানশিংদা ঈশীং পাথোরকপদগী মফম কয়া ঈশীং থূমজীনখ্রে। ফৌ শাৎলবা অমদি মরূ চঙবা হৌরক্লবা লৌফম কয়ামরুম ঈশীংগী ঈরোন্নুংদা লৈখ্রে। ইম্ফাল ইষ্ট দিষ্ট্রিক্টকি খেত্রিগাউ কেন্দ্রগী মনূঙ চন্না লৈরিবা খেত্রি অৱাং লৈকায়দা লৈবা প্রিন্সটোন ইন্টরনেস্নেল স্কুল মপাদা ঈরিল তুরেলগী তোর্বান মিটর ৩০০ লোম শাংনা কায়রকপদগী কেন্দ্র অসীগী মফম অয়াম্বা ঈশীং থূমজিনখ্রে।
কোংবা, খেত্রিগাউ, কোংপাল, পোরোম্পাৎ দি সি রোদ, ৱাংখৈ অয়াঙপল্লি, নুংথিল চাইবী, খেত্রিগাউ সাবল লৈকায়, থম্বালখোংনচিংবদা ঈচাও মায়োক্নরে। হৌজিকসু ঈশীঙগী ঈমায় লেপ্তনা হেঙ্গৎলক্লি। অমরোমদা, থৌবাল তুরেলদা শাবা দাম হাংদোরকখ্রবা মতূঙদা তুরেলগী ঈমায় হেঙ্গৎলক্তুনা ঈশীং পাথোরকপদগী থৌবাল দিষ্ট্রিক্টকি মফম অয়াম্বা ঈশীং থূমজিনখ্রে। ৱাংখেম কেন্দ্রগী এম এল এ কৈশাম মেঘচন্দ্রগী ময়ূমসু ঈশীং থূমজিনখ্রে।
হৌজিক ষ্টেট অসীদা চেল্লিবা অয়াম্বা তুরেলশিংগী ঈশীং ঈমায় খুদোংথীবা য়াবা থাক্কি মথক্তা চেল্লি। চৈরকশিদা মনিপুরদা লাক্লিবা নুমিৎ মরিনি মখাতানা অকনবা নোং হৈথখিগনি হায়না ৱেদর দিপার্টমেন্ট না ফোঙদোরক্লি।
You may also like
-
নোং মরক্তা সেন্সসকি মায়োক্তা প্রোটেষ্ট তৌরিঙৈ ত্যার গ্যাস কাপশীল্লকপদা খোঙজঙলোয় নূপী অহুম শোক্লে
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে