গুদস এন্দ সার্বিসেস টেক্স (জি এস টি) কাউন্সিলগী ৫৬ শুবা মীফমনা ৱারেপ লৌখিবগী মতূঙ ইন্না লৈবাক অসীদা হীদাক- লাংথকশিং অমসুং মসীগা মরী লৈনবা দিভাইস পূম্নমক্কি মতাঙদা হান্না লৌরম্বা জি এস টিগী চাং শীঙথানিঙায় ওইনা হন্থখ্রবা মতূঙদা মরী লৈনবা মেন্যুফেকচরিং কম্পেনিশিংনা হীদাক- লাংথক্কি পোৎলমশিংগী মমল হন্থরবা মওংদা শেমদোক্লবা মমলগী লিষ্ট অমা থাদোরক্ননবা মরী লৈনবা লৈঙাক্কি অথোরিটিনা কম্পেনিশিংদা খঙহনখ্রে।
লৈঙাক্কি মায়কৈদগী থাদোরকখিবা মেমোরেন্দম অমগী মতূঙ ইন্না, লাক্লিবা সেপ্তেম্বর ২২ দগী চৎনবা হৌরগদবা হীদাক- লাংথক অমসুং মসিগা মরী লৈনবা দিভাইস পূম্নমক্কি হন্থরবা মমলগী লিষ্ট, মরী লৈনবা মেন্যুফেকচরিং কম্পেনিশিংনা সোসিয়েল মেদিয়া, ইলেক্ট্রোনিক মেদিয়া অমদি প্রিন্ট মেদিয়াগী খূত্থাঙদা মীয়ামদা খঙহনগদবনি।
মরী লৈনবা দিল্লরশিং, রিটেল্লরশিং, ষ্টেট দ্রগ কন্ট্রোল্লর অমদি ষ্টেট লৈঙাকশিংদা, নৌনা শেমদোক্লবা হীদাক- লাংথকশিংগী মমল অদূ সেপ্তেম্বর ২২ গী মমাঙদা য়ৌহন্দুনা খঙহনগদবনি হায়রি। এম আর পিশিংগী লিষ্ট শেমদোক্লগা মীয়ামদা খঙহন্দবশিং লাইসেন্স কক্লগনি হায়খি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে