হৌখিবা পূঙ ৩০ গী মতমদা মনিপুরদা দেঙ্গী গী পোজিটিব কেস মশীঙ ৭৮ য়ৌদুনা ষ্টেট অসীদা হন্দক্কি চৎলিবা চহী অসীগী ওইনা খ্বায়দগী ৱাংনা লৈখ্রে। থা অসীগী অহুমদা মনিপুরদা মীওই ২৪ দেঙ্গী পোজিটিব ওইবা থেংনখ্রবা মতূঙদা ঙরাংদগী খঙহেন হেঙ্গৎলকখিবনি হায়না ষ্টেট লৈঙাক্কি হেল্থ দিরেক্তরেটকি চেরোল অমনা ফোঙদোকখি। মতম অসীগী মনূঙদা ইম্ফাল ৱেষ্ট তা পোজিটিব ওইবা মশীঙ অসী ৫৮ নি।
মসী থারগা দিষ্ট্রিক্ট অসীদা চহী অসীগী ওইনা পোজিটিব কেস মশীঙ পূন্না ৪৭৮ য়ৌখ্রে। পূঙ ৩০ গী মতমসিদা ইম্ফাল ইষ্ট দিষ্ট্রিক্ট তা পোজিটিব কেস মশীঙ ৯ ওইখি। দিষ্ট্রিক্ট অসীদা হন্দক্কি চৎলিবা চহী অসীগী ওইনা কেস মশীঙ ৮০ ওইরি। থৌবাল দিষ্ট্রিক্ট তা মীওই ২, বিষ্ণুপুর দিষ্ট্রিক্ট তা পোজিটিব কেস মশীঙ ২, ককচীংদা মীওই ৫, চান্দেল অমসুং তেংনৌপলদা কেস অমমম, সেনাপটিদা ১০, ঊখ্রূলদা কেস ৮, কামজোংদা কেস ২ থেংনখি হায়রি।
হৌজিকফাওবদা দেঙ্গী গী পোজিটিব কেস লৈত্রিবা নত্রগা য়াম্না হন্থবা থাক্তা লৈদুনা মীয়ামদা মিপাইনিঙায় অমত্তা ওইদ্রিবা মনিপুরগী দিষ্ট্রিক্ট অনী অদুদি জিরিবাম অমসুং ফেরজোলনি হায়রি।