মনিপুরদা সেক্যুরিটি পার্সনেল কয়ামরুমগী থবকশিং হৌরক্লিবা নহারোলশিংদা পীদুনা ইমুং-মনূঙগী শেন্থোক হেঙ্গৎহন্ননবা হোৎনবদা মাঙজীল থানা থবক তৌরিবা হোমলেন্দ গ্ৰুপকি হোমলেন্দ সেক্যুরিটি সার্বিসনা ইম্ফালদা বেজ তৌবা, ইভেন্ট মেনেজমেন্ট অমসুং টিকেট্টিং কম্পেনি অমা ওইরিবা মেফ্লোসকা ঙরাং মেমোরেন্দম ওফ অন্দর্স টেন্দিং (এম ও য়ু) অমা সাইন তৌনখ্রে।
ইম্ফাল নোংপোক পানাগী মনূঙচন্না লৈরিবা পেলেস কম্পাউন্দা লৈবা কাষ্টল হোটেলদা খূৎয়েক পীনখিবা অসীনা মরম ওইরগা হোমলেন্দ সেক্যুরিটিগী থবক থৌরমশিংদা হেন্না খূমাঙ চাওশীলহনবা ঙমহল্লগনি হায়রি।
কম্পেনি অনী অসীনা খূৎশম্নরগা মনিপুর অমসুং মালেমগী লৈবাকশিংদা শীঙথানিঙায় ওইনা তোঙান-তোঙানবা মওংদা মীয়ামদা সার্বিস পীবা ঙমহল্লগনি হায়রি। হোমলেন্দ গ্ৰুপকি হোমলেন্দ সেক্যুরিটি সার্বিসনা কেম, কেনাইন য়ুনিট শীজীন্নবগা লোয়ননা সেক্যুরিটি পার্সনেলশিং নীংথীনা ট্রেনিং পীদুনা লাক্লিবনি।