মৈতৈনা সাসন তৌরিবা মনিপুর লৈঙাক্তা শৌগৎপা অমসুং কুকি-জো ফূরুপ্না মতম কয়াগী মমাঙদগী দিমান্দ তৌদুনা লাক্লিবা সেপরেট এদমিনিষ্ট্রেসনগী মায়োক্তা লৈবা কুকি-জো ফূরুপকি এম এল এ অমসুং অতৈ মীওই খূদীঙমক খূদক্তা হাৎকনি হায়না য়ুনাইটেদ কুকি নেস্নেল আর্মী (য়ু কে এন এ) না অকনবা ৱার্নিং তৌরক্লি। কুমশিং ২০১৫ দা লিংখৎখিবনি হায়রিবা খূৎলায় পায়বা লূপ অসী কুকি-জো ফূরূপকি পোলিটিকেল দিমান্দ ফংননবা, ফূরূপকি রাইট অমসুং শক্তম ঙাক্ননবা লিংখৎখিবনি হায়রি। গভর্নমেন্ট ওফ কুকি-গামগী মখাদা থবক তৌরিবা খূৎলায় পায়বা লূপ অসীগী দিপার্টমেন্ট ওফ হোম এফ্যের্সকি চেরোল অমদা ৱাফম অসী ফোঙদোরকপনি।
মৈতৈনা সাসন তৌরিবা ষ্টেট লৈঙাক অসীদা কুকি-জো কাঙলূপতা লৈবা কনাগুম্বা এম এল এ অমত্তনা শৌগৎপা য়ারোই অদুগা সেপরেট এদমিনিষ্ট্রেসনগী মায়োক্তা লৈবসু য়ারোই। লূপকি ৱাফম অসী থওইদনা, লম হেন্দুনা ৱা ঙাঙলকপা নত্রগা থবক তৌরকপা কুকি-জো ফূরুপকি এম এল এ শিং খূদক্তা হাৎকনি হায়রক্লি। সেপরেট এদমিনিষ্ট্রেসনগা মরী লৈননা কনাগুম্বা সি এস ও নত্রগা লন্নাই মীওইশিংনা রাজনিটি শান্নদুনা ৱা ঙাঙবা য়ারোই হায়রক্লি।
মতম শাংলক্লবা কুকিশিংগী দিমান্দ অসী কনাগুম্বা অমত্তনা অথীংবা পীরকপা য়ারোই। দিমান্দ অসীবু কনাগুম্বা অমত্তনা লান্না শন্দোক্তুনা ফূরূপকি মপাঙ্গল শোন্থহন্ননবা হোৎনরোইদবনি হায়রি। লৈঙাক্কা সস্পেন্সন ওফ ওপরেসন (সূ) তৌনদনা লৈরিবা খূৎলায় পায়বা লূপ অসীনা হৌখিবা থা অনীরোমগী মমাঙদসু চুরাচান্দপুরদা মীওই মরি হাৎপগী থৌদোক লৈখ্রবনি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে