মনিপুরদা লৈরিবা লৈঙাক্কি স্কুলশিং অয়াম্বদা মহৈরোয় মশীঙ হন্থবা অমসুং ওজাগী মশীঙসু ৱাৎপগী ফীভম মায়োক্নরগা লৈরি। লৈঙাক্না স্কুল ফগৎহন্সি হায়বা মিসন হৌদোকখ্রবসু মদূগী কান্নবা অমত্তা স্কুলশিংদা মহৈ তম্লিবা মহৈরোয়শিংনা ফংজবা ঙমদনা লৈরি হায়না আম আদমী পার্টি (এএপি) গী ষ্টেট কোর্দিনেটর বিশ্বনাথ থিঙাম্না ফোঙদোকখ্রে।
এ এ পিগী টিম অমনা মনিপুরগী তোঙান- তোঙানবা দিষ্ট্রিক্টশিংদা কোয়না চত্তুনা স্কুলশিংগী ফিভম য়েংশিনলুরবা মতূঙদা মহাক্না ৱাফম অসী ফোঙদোকখিবনি। মতম অমদা লৈঙাক্কি স্কুলশিংদা মহৈ তম্বা ক্লাস টেন অমসুং ত্বেলবকি মহৈরোয়শিংনা ফাইনেল এগজামশিংদা মকোক-মথঙ তাদুনা লাকখিরম্বনি অদুবু হৌখিবা চহী ১০-২০ গী মতমসিদদি লৈঙাক্কি স্কুলশিং ফীভম অসূক্কি মতীক ফত্রে হায়না মহাক্না ফোঙদোকখি।
ঙরাং পাউমিশিংগা উনখিবা মীফম অদুদা এ এ পিগী লিগেল টিম খনখিবগা লোয়ননা দিষ্ট্রিক্ট মাপনগী ওইনা দিষ্ট্রিক্ট ইন-চার্জ শিংসু খনখি।