হৌখিবা কুমশিং ২০২৩ গী মে অহুমদগী কুকি-জো কাঙলূপকি মিলিটেন্ট শিংনা লুচিংদুনা মনিপুরগী য়েলহৌমী ফূরূপ অমা ওইনা লৈরিবা মৈতৈশিংদা কাইহৌরক্তুনা লান্দারকখিবদগী ঙসীফাওবা ঈরমদম অসীদা তঙদূ- লৈতাদনা, মীয়াম্না অৱাবা কয়ামরুম মায়োক্নরগা লৈরিবা অসী কোকহন্দুনা য়েলহৌমী কাঙলূপশিং মহৌশাগী ঈং- তপ্পা শক্তমদা নুংশি-চাননা লৈমিন্ননবা, অফবা ফীভম অমা শেমগৎনবা পান্দমদা ইম্ফালদা লাক্তুনা নোরথ এ ও সিদা লৈরিবা থাদৌ ঈনপি মনিপুরগী মীহুৎশিং লৈঙাক্কি থৌওংশিংদা য়াম্না কন্না ৱারৌনরে।
সেন্টর লৈঙাক্কা সস্পেন্সন ওফ ওপরেসন (সূ) খূৎয়েক পীনদুনা লৈরবসু, সূ গী রুলস অমসুং গাইদলাইনশিংগী ৱাংমদা নোংমৈ পায়দুনা লম্বীদা কোয়চৎ চৎলগা মীয়ামদগী লুট তৌবা, মী হাৎপা, কিদনেপ তৌরগা রেন্সম তানবা, নেস্নেল হায়ৱেশিং মতম কক্তনা থিংজিন্দুনা সধারন মীয়ামদা কা হেনবা মখলগী মীওৎ-মীনৈ চত্থদুনা কুকিশিংনা মঙক কন্দুনা লাক্লি। ওইরক্লিবা ফীভমশিং অসী আইনগী ৱাংমদা খম থেংনা চঙশীনলক্লে খঙলবফাওবা সেন্টরনা খঙশীন্নদনা মখোয়বু মনীংতম্না থাদোক্তুনা থম্লি।
কুকি-জোমি-মার কাঙলূপকি মিলিটেন্টশিং অসীগী মরক্তা থাদৌ ফূরূপকি মীওই অমত্তা য়াওদে। থাদৌশিং অসী কুকি নত্তে, কুকি ফূরূপকা করিগুম্বা হীরম অমত্তদা মরীসু অমত্তা লৈনদে। মনিপুর লৈঙাক্না থাদৌ ঈনপি মনিপুরগী থৌমীশিংবু চত্থোক- চৎশীন তৌবা য়াহন্দনা কা মনূঙদা ফাজীন্দুনা থম্বগী থৌওং চত্থদুনা থম্লিবা মওংসি পেন্দে হায়না থাদৌ ঈনপি মনিপুরগী প্রসিদেন্ট এম জেমসনা ফোঙদোকখি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর