চহী অসীগী মে ১৭ তা মনিপুর লৈঙাক্না অচেৎপা থাজবশিং পীদুনা, ভি দি এফ পার্সনেলশিংনা মতম শাংনা দিমান্দ তৌদুনা লাকখিবা মখোয়গী অপাম্বা খূদিংমক থা অনীগী মনূঙদা পীথোক্লগনি হায়না খঙহনখ্রবসু ঙসীফাওবা থবক্তা ওন্থোরক্তবনা মনিপুরদা লৈরিবা ভিদিএফ পার্সনেলশিং খোয়রাঙ- খোয়শাওনবা হেনগৎহল্লে হায়রি।
ভিদিএফ পার্সনেলশিং অসীনা মখোয়গী তোঙান- তোঙানবা দিমান্দশিং, মরুওইনা পুলিশ এক্ট, ১৮৬১ গী সেক্সন ১৮ মপূঙ ফানা চৎনহনগদবনি, ভিদিএফ পার্সনেলশিং অসীগী সার্বিস রিগ্যুলরাইজেসন তৌগদবনি, অতৈ পুলিস, মনিপুর রাইফেল অমদি আই আর বি পার্সনেলশিং দা ফংহল্লিবা মেদিকেল সপ্পোর্ট, লিভ অমসুং হৌজিক চৎনরিবা রিটয়রমেন্ট প্রোভিজনশিং অসী ভি দি এফ পার্সনেলশিংদসু চপ চানা, মপূঙফানা ফংহল্লু হায়বা দাবী তৌদুনা লাকখ্রবা মতূঙদা লৈঙাক্কি মায়কৈদগী দিমান্দশিং অদূ থবক্তা অথূবা মতমদা ওন্থোক্লগনি হায়না মে ১৭ কি মীফমদা থাজবা পীখিবনি।
অদূম ওইনমক থা অনী ফারক্লবসি ফাওবদা য়ানখিবা কন্দিসনশিং অদূগী মতাঙদা ঙসীফাওবা নোটিফিকেশন অমফাওবা থোক্লকপা লৈত্রি। মসী য়াম্না লাইবক থীবনি হায়না ওল মনিপুর ভিদিএফ এমপ্লোয়িজ ৱেলফ্যের এসোসিয়েসনগী সেন্ট্রেল কম্মিটিগী চ্যেরমেন এস ঐচ সঞ্জিৎনা পেন্দবা ফোঙদোকখি।
চৎলিবা জূলাই থা অসীগী ৩১ ফাওবদা লৈঙাক্না অচেৎপা থাজবশিং পীখ্রবা ভিদিএফ শিংগী দাবী থবক্তা ওন্থোরক্ট্রবদি মথঙ নুমিৎ, আগষ্ট ১দগী খূৎলায় থাদোক্তুনা মতম কক্তনা খোঙজঙ চঙশীল্লগনি হায়না সঞ্জিৎনা মখাতানা ফোঙদোকখি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা