ইম্ফাল ইষ্ট দিষ্ট্রিক্টকি লমলাই কেন্দ্রগী মনূঙচন্না লৈরিবা গ্বালতাবি হায়রিবা তম্পাক্কি এরিয়া মনূঙচনবা খুল অসীদা অমদি মসীগী অকোয়বদা লৈরিবা মফম অমত্তদা গ্বালতাবি কুকি ভিল্লেজ হায়না মিং থোনবা খুল অমত্তা লৈতে হায়না মরী লৈনবা লৈঙাক্কি অথোরিটিনা শেংদোরকখ্রে হায়না রিপব্লিকান পার্টি ওফ ইন্দিয়া (আর পি আই) অথৱালে গী ভাইস প্রসিদেন্ট সাপমচা কংলৈপালনা ফোঙদোকখ্রে।
চৎলিবা থা অসীগী ২৬ তা ইম্ফালগী মনিপুর প্রেস ক্লবতা পাঙথোকপা পাউমীশিংগা উনখিবা থৌরমদা মহাক্না ৱাফম অসী ফোঙদোকখিবনি। কুকি ফূরুপ কি মীওই খরনা গ্বালতাবি কুকি ভিল্লেজ হায়না সাইনবোর্ড থেৎচীল্লকপগী থৌওংশিং য়াওনা মফম অসী মখোয়গী এরিয়া অমনি হায়না হৌখিবা মতম খরা অসিদা ঙাইহাক লৈতনা ক্লেইম তৌরকপদগী কংলৈপালনা লুচিংবা মীওইশিংনা মরী লৈনবা লৈঙাক্কি অথোরিটিদা আর টি আইগী খূত্থাঙদা চেরোল লানখত্তুনা ৱাহং হংলুবদা গ্বালতাবি কুকি ভিল্লেজ হায়বা অমত্তা মফম অদূদা লৈতে, মনিপুরগী অতৈ মফম অমত্তদসু হায়রিবা খুলগী মমীং অসী লৈতে হায়না পাউখুম পীরকখি হায়না কংলৈপালনা ফোঙদোকখি।
অরানবা মওংদা খুলগী মমীং শেমজীন- শাজিন্দুনা থোঞ্জিল্লম্লিবা অসীদা চেন্নবশিং ফাগৎলগা আইনগী ওইবা অহকপা চৈরাক পীহন্ননবা মনিপুর লেন্দ রিছোর্স দিপার্টমেন্ট তা অথূবা মতমগী মনূঙদা মহাক্না কমপ্লেইন্ট অমা থাঙ্গৎলগনি হায়না মহাক্না মখা তাখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি