হৌখিবা নুমিৎ তরানিথোয় চূপ্না অহীঙ-নুংথিল খায়দনা অকনবা মওংদা লম্মন খুম্নদুনা নোংথক্তগী মিসাইল, দ্রোন, বোমগী এত্তেকশিং চত্থনরক্তুনা নাকল অনীমক্কি মীওই কয়ামরূম অমসুং মশীঙ লাকঙমদ্রবা লন- থুম কয়া মীৎনা কূপ্পদা মাঙ তাক্নখ্রবা মতূঙদা ইজরেল অমসুং ইরান লৈবাক অনীগী মরক্তা সিজফায়র সাইন তৌনদুনা য়ানবা পুরকখ্রে।
থৌওং অদূবু ইন্দিয়া নসু তরাম্না ওকখ্রে। প্রাইম মিনিষ্টর নরেন্দ্র মোদিনা অমেরিকাগী প্রসিদেন্ট দোনাল্ড ট্রম্পকি হৈ- শিংবা মতৌ অমসুং মালেমদা শান্তি পুরক্নবা লৌখৎলক্লিবা খোঙথাঙ অদুবু ঈকায়খুম্নবগা লোয়ননা তরাম্না ওকখ্রে।অদূম ওইনমক সিজফয়ার চৎনবা হৌদ্রিঙৈ মাঙোয়ননা ইজরেলনা ঙরাং অয়ূক অঙনবা পূং ৩ লোম তারকপদা নোংথক্তগী ইরান্দা অকনবা মওংদা এয়র ষ্ট্রাইক চত্থখি, অমাঙ- অতা কয়ামরূম মায়োক্নহনখি হায়রি।
য়ু এসনা ইরানগী মরূওইবা ন্যুক্লিয়র সাইট অহুমদা বি-২ ষ্টিল্থ ফাইটর বোম্বর শীজীন্নদুনা নৈখায়খিবা অদূগী লম্মন খুম্বা ওইনা ইরান্নসু কটারদা লৈরিবা য়ু এস মিলিটরি বেজদা মিসাইল ১২ কাপশীন্দুনা লান্দাখি। মিসাইল ১১ দি য়ু এস মিলিটরিনা ইন্টর্সেপ তৌবা ঙমখি। য়ু এস প্রসিদেন্ট ট্রম্পনা লান শোক্নরিবা লৈবাক অনীগী মরক্তা সিজফায়র সাইন তৌননবা ৱাফম হৌদোরকখিবদা ইজরেল অমসুং ইরান অনীমক্না য়ানিংবা ফোঙদোরকখিবগা লোয়ননা সিজফায়র খূদক্তগী সাইন তৌনদুনা চৎনবা হৌখিবনি।