হৌখিবা জূন ১২ গী নুংথিলদা অহমেদবাদ তা লৈবা সর্দার বল্লভভাই পটেল ইন্টর্নেস্নেল এয়রপোর্টতগী লন্দনগী গেটৱিক তম্না পাইবা হৌরকপা এয়র ইন্দিয়াগী প্লেন অমা সেকেন্দ ৩৬ খক্তা ঙায়রিঙৈদা পোকখায়দুনা কায়খিবা থৌদোক অদূদা লৈখিদদ্রবা মীওই ২৪১ অমসুং অতৈ মীওইশিং অদূগী ঈমূঙ- মনূঙগী অনকপা মরী- মতাশিংদা ইন্দিয়ান এয়রলাইন্স কি পেরেন্ট কম্পেনি ওইরিবা টাটা সন্সনা ইন্টরিম রিলিফ অমদি কম্পেন্সেসন ওইনা লূপা লাখ ২৫/২৫ গী শেনফম পীবা হৌখ্রে।
এরোপ্লেন কায়বদা লৈখিদ্রবশিং অদূগী লৈহৌরিবা ঈমূঙ- মনূঙশিংগী অকিবা, অৱাবা কয়ানা থল্লবা মীয়ামদা পূকনীঙ-ৱাখলগী নুঙাইতবশিং কোকহন্ননবা ট্রোমা কাউন্সেল্লিং অমসুং সাইকোলোজিকেল সপ্পোর্ট পীবগী থবক চত্থননবা মরী- লৈনবা দাক্তরশিং অমসুং সাইকোলোজিষ্ট কয়ামরূম দিপ্লোই তৌদুনা অহম্মেদবাদকি মফমশিংদা চাইথোক্তুনা থমখ্রে।
টাটা সন্সনা এয়র ক্রাস অদূগী লৈখিদ্রবা ভীক্তিম খূদীঙদা লূপা ক্রোর অমমমগী কম্পেন্সেসন পীগনি হায়না লাউথোকখিবা অদূগী মথক্তা ইন্টরিম কম্পেন্সেসনগী শেনফম লূপা লাখ ২৫ অসী পীবনি। মসীনা ভিক্তিমশিংগী ঈমূঙ- মনূঙশিংগী অহানবগী দরকার লৈবা দেব-কর্মনচিংবগী খরচ ওইবদা হেন্না খুদোংচাহনগনি হায়রি। মসীগী ইন্টরিম কম্পেন্সেসন অসী ফংহনবদা হেন্না লায়থোকহন্ননবা সেন্ট্রেলাইজ হেল্প দেস্ক অমসু টাটা সন্স কম্পেনিনা হাংদোকখ্রবনি।