চৎলিবা জূন থা অসীগী ১২ দা অহমেদবাদকি সর্দার বল্লবভাই পটেল ইন্টর্নেস্নেল এয়রপোর্ট তগী লন্দন তম্না পাইনবগীদমক এয়রপোর্ট অদূদগী টেক ওফ তৌদুনা পাইখৎখ্রবা মতূঙ সেকেন্দ খরখক্কি মনূঙদা পোকখায়দুনা কায়খিবদগী প্লেন অদুদা তোংখিবা মীওই ২৪২ গী মনূঙদগী মীওই ২৪১ খূদক্তা চাকথেক্তুনা শিখিবা থৌদোক অদুগী মতূঙদা য়ুনাইটেদ ষ্টেটস না শাবা এয়রক্রাফট মখল অসী মখাতানা শীজীন্নবগী থবক মতম পূম্নমক্কি ওইনা লেপ্ননবা য়ুনিয়ন কেবিনেটনা খন্নবা হৌখ্রে।
ফ্লাইট মখল অসীবু চল্লাইরিবা টাটা গ্রুপনসু মসীগী ইম্ফাল অমসুং ইন্দিয়াগী অতৈ মফমশিংগা মতম কয়াগী মমাঙদগী শম্নদুনা পেসেঞ্জরশিং পুথোক-পুশিন তৌদুনা লাকখিবা সার্বিস অদূ থা অসীগী ১৫ দগী থিংজিল্লে হায়না লাউ থোকখ্রে।মনিপুরদা হৌজিক্তি এয়র ইন্দিয়াগী ফ্লাইট সর্বিস মখাতানা লৈররোই। সার্বিস অসীনা মনিপুরগী মীয়ামদা ইন্দিয়াগী অতৈ মফমশিংগা শম্নহনবদা অরায়বা অমসুং য়াম্না খুদোংচাবা পাম্বৈ অমা ওইদুনা লাকখিবনি। মনিপুর নত্তনা অতৈ অৱাং নোংপোক্কি মফমশিংদসু ফ্লাইট সার্বিস মতম শাংনা পীদূনা লাকখিবনি।
ফ্লাইট মখল অসী চাদা ২০ গী চাং হেন্না অতৈ ফ্লাইটশিংদগী হন্থবা, পাইথোক-পাইশিন তৌবদা খূৎলোয়বা, নুংঙাইবা অমসুং ইলেক্ট্রিকেল সিষ্টেম য়াম্না ফবা মরম্না মালেমগী লৈবাকশিংনা হৌজিকসু য়াম্না পাম্না শীজিন্নরিবনি। ফ্লাইট মখল অসী ইহান হানবা ওইনা হৌখিবা কুমশিং ২০১১ গী ওক্তোবর ২৬ তা নিপোন এয়রৱেজনা লৈখিবগা লোয়ননা টোকিওদগী হোং-কোং ফাওবা অহানবা ফ্লাইট সর্বিস তৌখিবনি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে