থা অসীগী মাপন্দা ন্যু দিল্লিগীদমক ইম্ফাল থাদোকখিবা মনিপুরগী হান্নগী চিফ মিনিষ্টর অমসুং রাজ্য সভাদা মনিপুরগী এম পি ওইনা লৈরিবা মনিপুরগী নিংথৌ লৈশেম্বা সনাজাউবা ঙসী নুমিৎয়ুংবা মতূঙদা ইম্ফাল-দিল্লি দাইরেক্ট ফ্লাইট্টা বির টিকেন্দ্রজিৎ ইন্টর্নেস্নেল এয়রপোর্ট তা থুংলখ্রে। মখোয় অনী তোংলকখিবা ফ্লাইট অদূমক্ত দা বি জে পি মনিপুর য়ুনিটকি প্রসিদেন্ট অধিকারিময়ুম সর্দা, ভাইস প্রসিদেন্ট কেক্রেবম শরত, জেনরেল সেক্রেটরি পাঙম্বম প্রেমানন্দ মৈতৈ অমসুং ৱাংজিং তেন্থা কেন্দ্রগী এম এল এ পাউনম ব্রোজেনসু পূন্না য়াওরকখি।
মখোয় থুংলরগনি হায়বগী পাউ ফংবদগী ইম্ফাল এয়রপোর্ট তা ঙাইদুনা লৈরম্বা পাউমীশিংদা ৱা ঙাঙবদা নোংথোম্বম বিরেন্না হায়, মহাক্না দিল্লিদা থুংখিবা নুমিত্তুমক্তদা নুমিদাং পূঙ ১১.৩০ তাবদগী অহীঙ মমৈ পূঙ ১ খরা হেল্লক্লবা মতমফাওবা য়ুনিয়ন হোম মিনিষ্টর আমিট সাহাগা ফম্মিন্নদুনা মনিপুরগী হৌজিক ওইরক্লিবা লো এন্দ ওর্দরগী, অরম্বাই তেঙ্গোলগী জি ঐচ ক্যুগী ফাইটিং কম্মান্দর আসেম কানন য়াওনা তেঙ্গোল্লোয় মঙা ফাখিবা থৌদোক্কি মতাঙ য়াওনা মীয়ামগী ঈরাং অসীগী মতাঙদসু ৱারী শানখি।
মথঙ নোঙানবা নুমিৎকি নূঙথিল পূঙ ৪.১৫ তাবদগী পূঙ ৫ রোম হেল্লবফাওবা অমূক হন্না ফম্মিন্নদুনা ৱারী শানখি। মনিপুরদা পোপ্যুলর লৈঙাক অমা অথূবদা লৈহন্ননবা সেন্তরনা অকনবা থৌরাং লৌখৎলি হায়বা ৱাফম কয়াসু থম্লকপগা লোয়ননা মনিপুর কায়হনবা য়াবা থবক অমত্তা সেন্তরনা তৌরোই হায়বগী থাজবসু অমুক হন্না পীরকখি হায়না এন বিরেন্না পাউমীশিংদা ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে