হৌখিবা মে ২০ দা ষ্টেট লেভেল সিরুই লিলি ফেষ্টিবেল হৌদোকপগী থোরম কোভরেজগীদমক ঊখ্রূলদা চৎখিবা পাউমীশিংগী টিম অমনা তোংবা এম এস টি বস অমদা মনিপুর হায়না থারিবা ময়েক অদূ লৌথোক্কদবনি হায়না অথিংবা পীরকখিবা মহার রেজিমেন্ট কি থৌওং অদূগী মতাঙদা থিজিন্ননবা শেমখিবা ইনক্বারি কম্মিটিনা ঊখ্রূল খোঙচৎ অদূদা হকথেঙননা য়াওখিবা পাউমীশিংগী ষ্টেটমেন্ট লৌবা হৌখ্রে।
মঙাশুবা সিরুই লিলি ফেষ্টিবেল হৌদোকপগী পাউ লৌবা চৎপদা মহার রেজিমেন্টকি কাঙবূ অমনা গ্বালতাবিদা বস অদূ খাম্লবা মতূঙদা মনিপুর হায়না থারিবা ময়েকশিংদু লৌথোকউ হায়না খঙহল্লকপদগী খোয়শাওনরবা ঐখোয়গী পাউমীশিং ঊখ্রূল য়ৌশিল্লমদনা মফমদুমক্তদগী হল্লকখিবনি। থৌদোক অদূগী মতাঙদা থিজিন্ননবা শেমখিবা ইনক্বারি কম্মিটি অসীদা মনিপুর লৈঙাক্কি কম্মিস্নার হোম এন অশোক কুমার অমসুং আই টিগী সেক্রেটরি টিঐচ কিরনকুমার য়াওরিবনি।
পেন্নদ্রবা থৌওং অদূগী মতাঙদা থিজিন্ননবা অমসুং মরাল লৈরবা মরিশুবা মহার রেজিমেন্টকি কাঙবূগী মথক্তা অকনবা থবক লৌখৎনবা অমজু অমসুং ই জি এমগী মায়কৈদগী অকনবা খোঙজঙ চঙশীল্লক্তুনা লৈঙাক্কি ঈ-পাউ ফোঙদবগী খোঙথাঙফাওবা লৌখৎলকপদগী ইনক্বারি কম্মিটি অমা শেম্লকখিবনি। থা অসীগী তরেত্তগী পাউমীশিংগী ষ্টেটমেন্ট লৌবা হৌখিবা অদূগী মাঙওইননা ওফিসার অনীনা পাউমীশিংদা ব্রিফিং পীরবা মতূঙদা কম্মিস্নার হোম ওইনা লৈরিবা এন আশোক কুমারগী ওফিস চেম্বরদা ষ্টেটমেন্ট লৌবা হৌখিবনি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে