হৌজিক মনিপুর য়াওনা অৱাং-নোংপোক্কি ষ্টেটশিংদা মায়োক্নরক্লিবা কা হেন্না শাথিবা ঈশীঙ ঈচাওশিং অসী মনিপুর অমসুং অরুনাচল প্রদেশতা এনভাইরনমেন্টেল ক্রাইসিস চাউনা মায়োক্নরকপদগী থোকহল্লকপনি হায়না সুহোরা টেকনোলজি গী অনৌবা সেট্টেলাইট বেজ ষ্টদিগী রিপোর্ট অমনা ফোঙদোরক্লি।
রিপোর্ট অসীগী মতূঙ ইন্না হায়রিবদি, হৌখিবা কুমশিং ২০০১ দগী মনিপুরদা উমং লেপ্তনা কোকথোকপগী চাং অসী ঙসিফাওবদা য়াম্না ৱাংনা লাক্লি। চৎনবী অমা ওইনা শিফটিং অমসুং ঝূম কল্টিভেসনগী থৌওংশিং লেপ্তনা চত্থরকপনা উমংগী শরুকশিং অয়াম্বা মাঙথরক্লি। অরুনাচল প্রদেশতা এনভাইরনমেন্টেল ক্রাইসিস চাউনা মায়োক্নরক্লিবসি মরু ওইনা ষ্টেট অদূদা উমং মৈ থাবগী চাং য়াম্না ৱাংনা লৈবদগীনি হায়রি।
উমং কোকথোকপা অমসুং মৈ থাদোকপা অসীনা এটমোস্ফিয়রদা কার্বোন দাইওক্সাইদ মেট্রিক টন মিল্লিয়ন ৯.১১ হেঙ্গৎহল্লি হায়না রিপোর্ট অসীনা মখা তারি। গ্লোবেল ফোরেষ্ট ৱাটচ রিপোর্ট মতূঙ ইন্না হৌখিবা কুমশিং ২০২১ দগী চৎলিবা কুমশিং ২০২৫ অসীফাওবদা মনিপুরদা উমংগী লম হেক্তর ২১,৯০০ খরা হেন্না মাঙখ্রে। মসীনা এনভাইরনমেন্টেল ক্রাইসিস অমা চাউনা মায়োক্নরকপদগী ঈচাও কা হেন্না থোকহল্লিবনি হায়রক্লি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর