ঙরাং ইন্দিয়া-ম্যান্মার ঙমখৈ মনাক, তেংনৌপল দিষ্ট্রিক্ট কি মনূঙচন্না লৈরিবা ন্যু সোমতাল মনাক্তা লালহৌবা কাঙবূ অমগা আসাম রাইফলস ফোর্স কা নোংমৈ কাপ্নখিবা থৌদোক অমদা খূৎলায় পায়বা লালহৌবা মীওই ১০ হাৎপা ঙমখ্রে হায়রি। ইন্দিয়ান আর্মীগী ইষ্টর্ন কম্মান্দনা থাদোরকখিবা ওফিসিয়েল ওইবা ষ্টেটমেন্ট অমগী মতূঙ ইন্না, ইন্টলিজেন্স কি অকক্নবা পাউগী লীখূল অমগী মতূঙ ইন্না ন্যু সোমতাল মনাক্তা লালহৌবা মীওই কয়ামরুম চত্থোক-চৎশীন তৌদুনা লৈরে হায়বা খঙবদগী এ আরনা অখন্ননা, য়াম্না চেকশীন্না প্লান তৌরবা মতূঙদা ওপরেসন চত্থনবা হোৎনদূনা মফম অদোমদা চঙশীল্লুবদা লালহৌবশিং অদূনা নোংমৈ কাপশীল্লকখি হায়রি।
আসাম রাইফলসনসু হন্দুনা কাউন্টর এত্তেক চত্থবদা লালহৌবা ১০ শিখি। মখোয়শিংদু করম্বা লালহৌলূপকি কাঙবূনো হায়বা হৌজিকমক্কি ওইনদি ইন্দিয়ান আর্মীগী অমসুং এ আরগী মায়কৈদগী চপচানা হায়বা ঙমদ্রি। অদূম ওইনমক পাউগী লীখূন অমনা ফোঙদোরকখিবা মতূঙ ইন্না খূৎলায় পায়বশিং অদূ ম্যান্মার জুন্তাগী মথক্তা লান চত্থদুনা লাক্লিবা ম্যান্মারগী পি দি এফ অমসুং কে এন এ (বি) গী খূৎলায় পায়বা লালহৌবশিং ওইগনি হায়রক্লি। এ আর অমসুং আর্মীগী মায়কৈদদি অশোক- অপন অমত্তা য়াওখিদেসু হায়রি।
লালহৌবশিং অদুদগী ওতোমেটিক রাইফলশিং, য়াম্লবা নোংমৈ মরূ, টেক্টিকেল গ্যারশিং অমসুং অতৈ খূৎশু-খূৎলায় কয়ামরুম ফাগৎপসু ঙমখ্রে। হৌজিক মফম অদুদা মখাতানা সেক্যুরিটি ফোর্সনা অকনবা মওংদা থি-হুম্বগী থবকশিং চত্থরগা লৈরি হায়নসু পাউগী লীখূন অসীনা মখা তারক্লি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে